पुज्य चालिहा साहिब
॥ ॐ श्री वरुणाय नमः ॐ श्री लालय नमः ॥*
भग॒वान श्री झूलेलाल चालीसा
हिन असुल चालीसे जी रचना भग॒वान श्री झूलेलाल साईं जे परम भग॒त संत अंकरदास बंदीग्रह (जेल) में कई हुई.
दा॒डी पुराणी गा॒लिह आहे। सिन्धु देश जे ठटे नगर में हिकु भगवत प्रेमी ज़मींदार हूंदो हो। हुनजो नालो अंकरदास हो। हुन जे ज़मीन वटां सिंधू दरियाह वह्नदो हो। जद॒हिं सिंधू दरियाह संदस ज़मीन वटां वहणु छदे॒ दि॒नो तद॒हिं संदस ब॒नी सुकी वई। अंकरदास ढल (टैक्स) कोन चुकाए सघियो। ढल न चुकाइण सबब बादशाह हुनखे बंदीग्रह में बन्द कयो।
बंदीग्रह में न दरियाह हो, न ज्योत एें न बहिराणो। संत अंकरदास रोज़ सचे मन सां भग॒वान श्री झूलेलाल साईं जी उस्तती कन्दो हो। इन्हींअ तरह ३९ दीं॒ह गुज़री विया। चालीहें दीं॒हु भग॒वान श्री अमर उदे॒रेलाल सांई बादशाह जो मन फेरे छदि॒यो। बादशाह खे महसूस थियो त अंकरदास बेकसूर आहे।
चालीहें दीं॒हु बंदीग्रह जा दरवाज़ा खोलिया विया। बादशाह संत अंकरदास जे पेरनि ते किरी भुल बखशाइण लगो॒ एइं हुन संत अंकरदास खे आज़ाद कयो। संत अंकरदास चालीह दीं॒ह जेल में उस्तती करे जेके चालीह पोढ़ियूं रचियूं उनहिन खे ही असुल चालीसा सदि॒जे थो। संत अंकरदास खे चालीहें दीं॒हु लाल साईं दर्शन दि॒नो ऐं मनोकामना पूर्ण कई।
एकेतालीहें दीं॒हु भोग॒ स्वरूप उस्तती करे संत अंकरदास एकेतालीहीं पोढ़ी जी रचना कई। इहे एकेतालीह पोढ़ियूं जग॒त जे कल्याण वास्ते रोज़ हिक हिक पोढ़ी पेश कंदुस।
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
«»«»«»«»«»«»«»«»«»«»«»«»«»«»«»«»
अजु॒ पूज्य चालीहे साहिब जो पहिरियों दीं॒हुं आहे
पौड़ी 1
अमर पुरख जिन अवल आराधियो, मूर न होवनि से मुश्किल
दुख न पावनि सुरगे॒ जावनि, सदा सर्वदा होवनि सफल
कलूअ में काइम दाता दाइमु, आहिन तुहिंजा अब॒ल तब॒ल
चौमासे में चोद॒स चढ़ियो, कई घोड़े हिणिकार हकल
केती करोड़ों कीर्त आवनि, दे॒व रखीशवर दल बादल
सुर नर मुनि सिध सलामी, अरदासूं था कनि आकाल
'अंकर' चवे तिनि लहर न लोदो॒, जिन वरती तुहिंजी तौंकल
अर्थु
अंकरदास जिनि चवनि था, प्रभात समे जेके निंड निदोरीअ मां उथी करे, थान साहिब में झाड़ू देई (बु॒हारी पाए) सफ़ाई कनि था “आऊं भरीन्दुसि, आऊं भरीन्दुसि ड़े लाल सन्दे जो पाणी आऊं भरीन्दुसि ड़े”ऐं अमरलाल जो जाप कयो ऐं जय बो॒ली। उन्हनि खे लाल साहिब अन्त ताईं सुखी सताबो रखन्दो ऐं का बि दु॒खियाई कान दीन्दो, पिण तिनि जा दोह ऐं कष्ट वगेरह नास थी वेंदा, जिनि बि ज़िंदहपीर खे जपियो आहे। तिनि खे जल्दु सुख ऐं सम्पति प्राप्त थी आहे। उन्हनि जी मिस्कीनी नाबूद थीन्दी ऐं वेरी बि नासु थी विया आहिनि। हे मनिड़ा! तूं पिण अहिड़े परमात्मा पुरुष जो पांद पकिड़ ऐं उम्मीदूं रखु। हू अहिड़ो ई दयाल आहे जो नज़र सां निहाल करे थो ऐं आयल आफ़तूं झटि नासु करे थो।
“सिमर सिमर सुख पावह, कल कलेश तन मह मिटावह”
ही कलुजुग जो पोयों पहरु (वक्त) हाणे अन्त खे अची पहुतो आहे, सो साईं अगि॒याड़ीअ में आसीस करि, विच में वाहिरू थी ऐं पछाड़ीअ (पोरीअ) में पत रखु, मूं निमाणे जो नंगु तो ते आहे।
“मूं निमाणीअ नादान जी शल पवन्दी बा॒झ पिरीं”
सो जिते बि वञां, उते पिनी रोटी खाइणी न पवे। तंहिंकरे मुंहिंजे घर जी कुनी ऐं ब॒नीअ (धन्धे) में हमेशा बरकत पवे ऐं कृपा करे तूं सुठी किस्मत करि। भंडारा भरपूर करियो त जीअं कुटम्ब जी बि पालना करे सघां। अंकर चवे थो त मुंहिंजे मन जो इहो अर्ज़ु आहे त अन्दर जी इच्छा मुंहिंजी पूरी करि ऐं दिल घुरिया फल मूंखे बख्शणहार बखिश करि, छो त मन जूं मुरादूं तूं ई पूरण कन्दड़ु पुरुष आहीं, इह अरदास शल सफल थिए।
“रोटी ऐं लंगोटी थो सभ खे पहुचाए, झुलेलाल आहे”
अमरलाल साईं ! तुंहिंजे मिलिए साधू ऐं सन्त बि मुंहिंजे दर तां तुंहिंजे नाले ते खुशि थी खाई पी वञनि। जीअं तूं बि खाली कंहिंखे कोन थो मोटाईं। अहिड़ी तरह कबीर साहिब फरमाईनि था “साईं इतना दीजिए,जा में कुटम्भ समाए, में भूखा ना रहूं कोई सन्त न भूखा जाए”
तहिंकरे इहोई मुंहिंजो अर्ज़ु आहे त पंहिंजे हड़ऊं तड़ऊं दे॒ई मूंखे हलन्दीइ हलाइ
“तुंहिंजे गंज में आ कमी कान काई, तुंहिंजो दरू सखा जो खुलियल आ सदाईं”
जय श्री झूलेलाल
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो बि॒यों दीं॒हुं आहे
पौड़ी 2
ईश्वर ब्रह्मा पहिले पूजि॒यो, अमर अनतर्यामी
पीर पखी निति मुजरे आवनि, अमर वटि उदा॒मी
थारूंअ रात जाटी आवनि तो वटि सहसर सलामी
देव रिखीश्वर महामुनिश्वर सुर नर मुनि जन स्वामी
बि॒न्ही कंधियुनि ब॒लरजा सूंहे, निर्भव निर्मल नामी
'अंकर' मन अरदास इहाई, मेड़ी साध मदामी
अर्थु
अंकरदास जिनि चवन था त पहिरीं ईश्वर ब्रह्मा खे पूजि॒यो ऐं पोइ अंतर्यामी अमर उदे॒रेलाल खे, जंहिंजे दर ते पीर फकीर ऐं पखी उदा॒मी वञी महिर घुरनि था। थारूं (शुक्रवार) रात थान में न रुगो॒ माणहू (जाटी) अचनि था पर देवताऊं रखेश्वर मीर महाब॒लवान जोधा स्वामी ऐं बि॒या बि भज॒न करण अचनि था। दरियाह जे बि॒न्ही पासे रहमी (तेजवान) कहिड़ो न पियो सोभे, उहो निर्भव निरंकार निर्मल नाले वारो लाल साईं।
बि॒ए दीं॒हु लाल साहिब खे इहा वेनती करे थो त सदाईं साध संगत हुजे ऐं म्हन्त म्हातमाऊं मिलाइ, जीअं नाम जो दानु मिलन्दो रहे
जय श्री झूलेलाल
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो टियों दीं॒हुं आहे
पौड़ी 3
ऊधव माधव आसन मेंघनि, मूलनि जेठनि जा॒णी
जिसकी सेवा माणनि, जा भावें सा माणी
जिस इश्नानी काया निर्मल, पाप पराछत जा॒णी
आमीनाणी थीन्दो साथी, मनड़ा भ्रांति न आणी
'अंकर' जी अरदास इहाई, दे॒ फल फ़ेज़ रसाणी
अर्थु
अंकरदास उदे॒रेलाल खे अर्ज़ कनि था त हे दरियाह शाह, अमर जिन्दा, तवहां खे सभु कुछु मालूम आहे त जिनि बि तव्हां जी शेवा कई आहे ऐं कनि था, उन्हनि खे अव्हीं मिठा मेवा दि॒यो था ऐं मिलया आहिन। जहिड़ोकि संत उधवदास, माधवदास, आसनदस, मेंघनमल,मूलचंद ऐं जे॒ठानन्द जी जहिड़ी बि भावना हुई, सा उन्हनि माणी ऐं अव्हां तिनि खे मालामाल करे छदि॒यो। सिंन्धू दरियाशाह में जिनि बि स्नान कयो, तिनि जा न फकति पाप धोपिजी विया पर काया निरोग॒ ऐं मनु निर्मल थी पियो।
सभिनी नंदियुन खां सिन्धू नदीअ जो जल सुठो ऐं मिठो आहे। इनकरे हे मन ! विश्वास रखु त तोखे ज़रूर अमीनाणी (अमन वारो सुख दी॒न्दड़) लाल उदे॒रो रत्नाणी अरदास अघाए अची मुश्कलात में सहाइ थिए थो। अंकर चवे थो त ब॒नीअ जे सुकण ऐं ढल न भरे सघण सबबि जेल अन्दर आहे। साईं फ़ज़ल करि, बंद ख़लास करि ऐं सुका सला वरी सावा करि।
“कम पिया तो ताईं, लाल साईं मुशिकल करि आसान” (पंजड़ो)
जय श्री झूलेलाल
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु पूज्य चालीहे साहिब जो चोथों दीं॒हुं आहे
पौड़ी 4
एक मने जिनि अमर आराधियो, तिनि संगी आहे साणी
दुख बुख दा॒लत तिन जी मेटे, जे मन भ्रांति न आणी
जिनि सेवयो तिनी फल पायो, आगो अमर अमीनाणी
'अंकर' मन अरदास इहाई, थीउ जल्दु अची साणी
अर्थु
अंकरदास बंदीखाने में चवनि था त हिक चित थी जिनि अमरलाल खे आराधियो आहे, तिनि सां साणी थियो आहे ऐं हामी थीन्दो रहे थो। हे मनुष ! का बि शंका न करि, बुख, दु॒ख ऐं कर्ज़ मर्ज़ वगेरह मेटे छदे॒ थो ऐं मुश्किल में अची मददगार थिए थो। जिनि आगा (प्रभु) अमरलाल जी शेवा कई आहे तिनि खे मन जी मुराद जो सभु फल मिले थो। अंकर वेनती करे थो त मुंहिंजा साईं ! जल्दी वाहर करे नंगु रखु।
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु पूज्य चालीहे साहिब जो पंजों दीं॒हुं आहे
पौड़ी 5
टिन्ही लोकनि में दाता दूल्ह, मूल मोचारो मर मुरके
तड़े कढियाईं तोड़ ताईं, दुश्मन खे दूर धधिके
से मेड़ियाईं महिर कयाईं, जिनि लाइ मुहिंजों साहु सुके
अङण आया पेरें पवां, दुख टरिया दूर द॒रिके
'अंकर' तो वटि बा॒झ सबा॒झा, किथि जावां तो दरि छदि॒के
अर्थु
अंकरदास चवे थो त हे दूल्ह लाल धर्मी, तव्हां जो टिन्ही लोकनि (पृथ्वी,आकाश, पाताल) में वासो आहे ऐं शुरूअ खां वठी महरवान, मोचरा ऐं खिलमुख आहियो। पंहिंजनि दासनि ते दया करे उन्हनि जा दुश्मन असुल परे खां ई अव्हांजों नालो बु॒धी डिज॒नि था ऐं पछाड़ीअ सूधो ताड़े कढो था। अव्हां मूं ते महर कई जो मुंहिंजो साहु सुको पिए ऐं तव्हां दर्शन दि॒नो ऐं 'थियो मेलो सभु सहेलो” मुहिंजे घर में पेर घुमाया, मुहिंजो तव्हां खे वारों वार नमस्कार आहे ऐं दु॒ख दो॒लवा सफा लही विया। तो सबा॒झे साईं खे छदि॒ कहिड़े बि॒ए दरि वञां।
|| जय श्री झूलेलाल ||
चालीसा साहेब जी 5 पौड़ी (पांचवी दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो छहों दीं॒हुं आहे
पौड़ी 6
करोड़े कयमि कूड़ कचायूं, पुर पापनि सां पेट गुजे
मेट मदायूं बहुत बुरायूं, लाज पड़ी मुहिंजी तो ते
दरु तुहिंजों दौलत भरियो, बि॒या दर सभु आऊं तजे
खोल कुलफ़ उपटु खज़ाना, कृपा तुहिंजी हथ कुंजे
'अंकर' चवे हदु॒ न छदी॒नदें, वीर वरितमु दामन तुहिंजे
अर्थु
अंकरदास साक्षात साहिब खे अन्दर जो अविहल चवनि था त करोड़नि खां मथे कुधा कर्म कयमि ऐं पापनि सां मुंहिंजो पेटु भरियल आहे। मूं बेहद बुछिड़ायूं कयूं आहिन। मुंहिंजी लज॒ तो हथ में आहे। हे मालिक! मदायूं माफ़ करि।
“नंगी तूं ई मुंहिंजो नंगु आ, आऊं पाण बेवसीले”।
बराबर तुंहिंजो दरू दुआ दवा दौलत भरियो आहे ऐं बि॒या सभु दर मूं भिटिकण छदे॒ दि॒ना। हाणे दया धरि ऐं मुंहिंजे कृपा जी कुंजी तुंहिंजे हथ में आहे, जंहिं सां मुंहिंजे खुशियुनि जो खज़ानो खोलु।
“बाबों लाल गम टारि, मूंखे खुशियूं दीं॒दो, लाल साईं संगत जी लज॒ मानु रखनदो”
मां तुंहिंजे लाड़े लगी॒ आहियां, सो पाण सां गदे॒ छदि॒
|| जय श्री झूलेलाल ||
चालीसा साहेब जी 6 पौड़ी ( छठा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो सतों दीं॒हुं आहे
पौड़ी 7
खीर खज़ाना मखणु मानी, ख़ाविंद दे॒ खुशहाली
मीर महाबल जंगम जोगी॒, तो दरि सहसर सुवाली
कद॒हिं मोटियो कोन बु॒धोसीं, ख़वाजा खिज़र तां खाली
अर्श फ़र्श आलम में पधरी, लालण तुहिंजी लाली
जे था कनि सुवाल सवेल तोखे, से संसार सुखाली
'अंकर' बो॒ले आहिन आलम में, अहिड़ा वर तुहिंजा वाली
अर्थु
अंकरदास भग॒त जनि अमरलाल खे अरदास कनि था त हे बहरशाह ! मूंखे दु॒ध पुट अन्न धन ऐं खुशी बखिश, छो जो तुंहिंजे दर ते सहसें अमीर फकीर जोधा जोगी झंगम (घुमंदड़) सुवाली आहिनि, उहे वरुणदेव (ज़िंदपीर) वटां कद॒हिं खाली कोन आया ऐं सभिनी जूं आशाऊं पूरियूं करियो था। हे लखी लाल ! अव्हा जी लाइकी (दया) लोक परलोक में पधिरी आहे ऐं जिनि तव्हांखे असुर (सवेल) महिल आराधियो आहे, से जहान (संसार) में सदा सुखी आहिन। उहे महिरबानियूं लोक में ज़ाहिर अव्हां जूं आहिनि।
हे मुंहिंजे वारिस ! पंहिंजों जा॒णी मुंहिंजी बि लज॒ रखो (पाप कटियो)
|| जय श्री झूलेलाल ||
चालीसा साहेब जी 7 पौड़ी ( सातवाँ दिन ) यह पौड़ी पढने से मनोकामना पूर्ण होती है।
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो अठों दीं॒हुं आहे
पौड़ी 8
गो॒लिहयो गो॒लिहयां दे॒ह सभु दो॒लिया, तो बिन नाहे नेतारो
अंग न ओढण हो त उघाड़े, ढारीं द्रोपदीअ जियां ढारो
तुंहिंजी आस भरोसो तुंहिंजों, चाकर खे कोन्हे बि॒यो चारो
दाता तोखां दानु मंगा थो, अन्नु पाणी करि झालारो
आऊं तुहिंजों तूं न छदी॒नदें, वीर वराइजि वारो
'अंकर' मन अरदास ईहाई, जोड़ संगत जो आखाड़ो
अर्थु
अंकरदास चवनि था त हे दा॒तर, मूं घणाई दे॒ह जा दर घुमी फिरी भेटियमि, पर तो सवाइ मुंहिंजो छुटकारो नाहे ऐं मुंहिजे बदन ते कपिड़ो कोन्हे, मूंखे हाकिम नंगो कनि था (इज़्ज़त वठनि था) सो मुंहिंजनि दो॒हनि खे न दि॒सी, कृपा करे द्रौपदीअ वांगुर ढकियो ऐं मूंखे तुहिंजो तोकल (आसिरो) आहे, तूं ई आधार आहीं ऐं हिन नौकर जो बि॒यो को बि रस्तो कोन्हे। तोखां इहो दानु पिनां थो त अन्न पाणीअ जा भण्डार भरि (साईं सदाईं सिन्ध मथां सुकार करि ऐं सभुको साओ हुजे) मां अव्हांखे कोन छदी॒न्दुसि, महर करे वेनती वरिनायो, पिण हमेशा प्रेमियुनि संगयुनि जी जयकार करियो।
|| जय श्री झूलेलाल ||
चालीसा साहेब जी 8 पौड़ी ( आठवाँ दिन ) यह पौड़ी पढने से मनोकामना पूर्ण होती है🙏
जय श्री झूलेलाल
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो नाओं दीं॒हुं आहे
पौड़ी 9
घर घर थियूं वरतनि वाधायूं, अमीनाणीअ अंग धरियो
अन्न पाणी आलम में हर जाइ, कर्म कयाईं कालु टरियो
कलूअ में काइमु दाइमु, जिनि शेवियो तिनि कार्जु सरियो
तो सरीको और न कोई, हिरदे में तूं हरियो भरियो
'अंकर' मन अरदास ईहाई, वाहिरी मूं दे॒ वरियो
अर्थु
अंकरदास ते रतनाणी राजा राज़ी थियो ऐं घर घर वाधायूं वरियूं । अमरलाल कष्ट कटिया, हर हंधि अन्न पाणी भरपूर थियो, सुकारु कयाईं।
“दु॒करू वियो दे॒ह मां, थियो सस्तो अनु गुल फुल ऐं खीर”
कलयुग में तो कामिल काइम लाल साईं खे जिनि बि ध्यायो आहे, तिनि जा तव्हां कार्ज कया आहिन। तुंहिंजे समान बि॒यो को बि कोन्हे। तूं सभिनी जे हिरदे में आहीं, वाहिरी मदद जो नेठि मुंहिंजो नंगु अची रखियो अथेई।
“आहीं ज़ाहिर ज़िंदपीर, तुंहिंजी हाक आहे”
|| जय श्री झूलेलाल ||
चालीसा साहेब जी 9 पौड़ी ( नोवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो द॒हों दीं॒हुं आहे
पौड़ी 10
ङङे अगि॒यां ससो लिखिजे, तीअं सङु करि पहिंजे साहिब सां
आस न छदि॒ लगु॒ पलव पुरष जे, पेई अखियुनि से पाण पसां
सो न विसार सङु सुहिणो, फ़ज़ल करीं त फ़ेज़ रसां
जिसकी यारी तोड़ निबाहीं, अमरापुर में वञीं वसां
'अंकर' जी अरदास ईहाई, संग साधनि जे कोल वसां
अर्थु
अंकरदास पंहिंजे मन खे चवे थो त जीअं ङङे अगि॒यां ससो लिखण सां 'सङ' थींदों, तीअं तूं मन पंहिंजो संग (माइटी, रिश्तो, लाग॒पो) हिक साईंअ सां रखु ऐं उन पुरुष जो पलउ पकिड़, पकी उम्मीद रखु त जंहिं साहिब खे अखियुनि सां दि॒सां थो अहिड़े संग रखण सां आत्मा ऐं परमात्मा जो मेलु थिए थो, सो मतां विसारीं। सुहिणे साजन खां फ़ज़ल घुरि ऐं उन जे दया खां सवाइ बि॒यो छोटकारो कोन्हे, इहो तोड़ ताईं निबाहे त असल अमर लोक में वञीं पहुंची ऐं हित जो बि दमु साध संगत में गुज़िरे, साईं संसार में सहाइ थीउ।
|| जय श्री झूलेलाल ||
चालीसा साहेब जी 10 पौड़ी ( दसवाँ दिन ) यह पौड़ी पढने से मनोकामना पूर्ण होती है🙏
अजु॒ पूज्य चालीहे साहिब जो यारहों दीं॒हुं आहे
पौड़ी 11
चेतन हलियो चौद॒स चौधारी, चोमासे में करे चढ़ी
चंडु चढ़ियो आमीनाणी, धन सां वेला धन घड़ी
तिन खे थो पाण पट पहिरई, जिनि अंगु नाहे हिक अगि॒ड़ी
अण लिखया फल दे॒ थो दा॒तारु, हर कंहिंजी तुहिंजे हथ छड़ी
नित नित नौबत तो दर बाजे, भग॒त भाव जी लगी॒ जड़ी
'अंकर' मन अरदास ईहाई, राख शरण हम शरण पड़ी
अर्थु
अंकरदास अमरलाल साईं जे बारे में चवे थो त 'वरुण अवतारम, धर्म अवतारम, प्रेम अवतारम, एकता अवतारम'। विष्णु भग॒वान जो अवतार (आमीनाणी) उदे॒रोलल (चेतन स्वरूप) कलजुग॒ में अची प्रघट थियो ऐं घोड़े ते सवार हो, चोद॒स जे चंड वांगुर सोभ्यावान हो ऐं उहो चौमासे जो वक्त ऐं घड़ी दीं॒हुं धन धन (सुठो ऐं सभागो॒) हो। परोपकारी पर दुख कटणहार बुखियनि जो पेट (भंडारा) भरियाईं ऐं जिन जे बदन ते पूरा कपड़ा न हुआ, तिन नंगनि खे पिण कपड़ा पहिरायाईं।
भग॒तनि ऐं बेवाहनि सां अची रूबरू थियो ऐं दुखियुनि जी दांह सुणियाईं। सिक सिदक वारनि खे दर्शन दि॒नाईं, पिण आसाउनि सुवालियुनि खे पुट, दु॒ध ऐं धन वगेरह दि॒नाईं (कंहिंखे बि खाली को न मोटायाईं) जिनि जी जेका बि मुराद हुई, से मन जूं मुरादूं सभ जूं पूरियूं कयाईं। जिनि जे नसीब में काण आहे, तिनि जा बि लाल साहिब कारज मंगल करे थो। छो जो संदसि हथ में दया ऐं दान (मुरतिबे) जी लठि अथसि।
दरियाशाह जे दर ते रोज़ु नौबतूं ऐं नाद वज॒नि था। साध संगत जो मेलो मतो पियो आहे, छो त भग॒तनि पंहिंजे श्रद्धा जी मेख़ महरवान मालिक सां गं॒ढे छदी॒ आहे। “भग॒त भावना सां पुकारे खणी, बे॒ड़ो तिनि जो थो तारे धणी”। हे अमरजिन्दा! मुंहिंजे मन जी इहा अरदास आहे त मूं मिस्कीन शरण आयल खे, पंहिंजे चरणनि में रखु ऐं हाणे बिरध पालि।
|| जय श्री झूलेलाल ||
चालीसा साहेब जी 11 पौड़ी ( ग्यारहवाँ दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो बा॒रहों दीं॒हुं आहे
पौड़ी 12
छा खावां छा ओढण ओढ़ियां, हड़ पलव न कोदी॒ हिकिड़ी
को न उधारे दि॒ऐ थो मूंखे, हिन बाज़ार में हिक दमिड़ी
को न विहारे थो कलजुग॒ में, आगा (लाल) तो बिन हिक घड़ी
तो बिना महर महार न काई, कुटम्ब कबीले थियुस कड़ी
'अंकर' खे ओखीअ दे॒ आधार, अमर मिटाइजि अटक अड़ी
अर्थु
अंकरदास पंहिंजे घरू तक्लीफ़ुनि जो बयान करे थो त जद॒हिं संदसि फसुल सुकी वियो ऐं ढल भरे न सघियो, उन वक्त खाधे लाइ अनाज न हो ऐं बदन ढकण लाइ कपिड़ो कोन होसि, पिण हिक कोदी॒ बि ख़र्च लाइ पलांद में न हुई। माइट बि ओखीअ महल में मदद न करे सघिया ऐं बाज़ार में बि दोस्त, धारिया, उधारो या कर्ज़ न दे॒ई सघिया।
“बिना धन पंहिंजे कोन्हे को माइट कंहिंजो।“
इनकरे खेसि वक्त जे हाकिम कैद कयो।
इते आगा अमरलाल जी उस्त्ती कनि था –
"त्वमेव माता च पिता त्वमेव, त्वमेव बन्धुश्च सखा त्वमेव ।
त्वमेव विद्या द्रविणं त्वमेव, त्वमेव सर्व मम देव देव"
“सोढी़अ में सत्गुर अची सदु॒ दी॒न्दमि शाल सदु॒ दीं॒दो शाल मूंखे, गदु॒ थीन्दमि लाल।“
तूं मुंहिंजे लाइ सभु कुछ आहीं ऐं सभु तुंहिंजे हथ में आहे, सो हाणे तो बिन मुंहिंजा बे॒ड़ा हिन अटक जे दरियाह (भवसागर) मां केरू पार कन्दो। हे मन! तूं पाण में अटक (रंडक) न विझु। लाल साईंअ में विश्वास रखु। मनु पंहिंजे विषयनि खां परे करे अमरलाल खे अवरिच (निम्रता) थी अर्ज़ कन्दो रहु त ज़रूर तुंहिंजी आस पूरी थीन्दी। जिज्ञासु जेकद॒हिं पंहिंजे मन में गुमान (अटक) न विझे त दूल्ह जे दया सां अटक जो दरियाह तरी पार पवन्दो।
“सुख सां मूंखे पार लंघाईं, मुंहिंजा लाल साईं।“
हे लाल जिन्दा! परीक्षा न वठु, पर पति रखु। मूं तो सां पंहिंजो,कुटम्ब जो, मन जो ऐं धारियनि यारनि जो अविहाल समूरो कयो आहे,छो जो मूं हिन हीणे शेवक जो हिक सरतनि में शानु शर्म रखु ऐं सदाईं सहाई थिएं। हाणे तोखां सवाइ हिक घड़ी बि नथो रही सघां ऐं हिन कहिरी कलयुग में को बि नथो विहारे। करीब (वेझा मिट माइट) बि कूड़ो पिया था समझनि। सो तुंहिंजों रहमु खपे ऐं महर खां सवाइ कुछ न थो चाहियां। तुंहिंजे दया खां सवाइ बि॒यो रस्तो नाहे। “सो सौखीअ में त सदा सुखदाई आहीं पर औखीअ में बि बा॒झ भरिया, बा॒न्हीअ ते मन जो क्यासु पवेई।“ आऊं कयाणी, अधीननि जो आधार बणिजी हीअ अड़ियल (बंद) मां माफी दे॒ई आज़ाद करि।
“माफी मालिक माफी, मूं दो॒ह इलहाई कया थई”
|| जय श्री झूलेलाल ||
चालीसा साहेब जी 12 पौड़ी (बाहरवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो तेरहों दीं॒हुं आहे
पौड़ी 13
जा॒र विधाईं मारण लाइ, वैरी मूं वर पाए
जे॒रो बा॒रे कड़ाई चाढ़े, तंहिं में तेलु तपाए
तो बा॒झो हिन कलजुग॒ में, काल खूं केरु बचाए
तुहिंजे फ़ज़ल छुटिकारनि जो, को पारावार नाहे
नगर निहाईअ विच में रखिया, बि॒लीअ ब॒चिड़ा ओभाए
वाहिर तुहिंजे वेले थीन्दी, ईन्दो को हारियल काहे
'अंकर' चवे तो दर मांदी आहियां, को फ़ज़ल कर फेराए
अर्थु
अंकरदास पंहिंजे मुसीबत जो बयान करे थो। “मुसीबत में मालिक मददगार थीन्दे” ऐं मिसाल दि॒नो अथाईं त हिक वेरीअ (शिकारीअ) जंहिं हिरणीअ खे फासाइण लाइ हिक पासे जा॒र विधी, बि॒ए तरफ कुता विहारियाईं, टिएं पासे बाहि बा॒रियाईं ऐं चोथों पासे पाण तीर कमान (भालो) खणी बीठो। सो सबा॒झा साईं! मूंखे बि दुश्मन चइनी तरफनि खां वेढ़े वियो आहे। हिरणी वेचारीअ जी केदा॒हं बि भजी॒ वञण जी वाह न रही। आखिर में तो मालिक जो वाहर वसीलो समुझी, मथे निमाणा नेण खणी दर्द में दांहूं करण लगी॒, “तोंखां सवाइ बि॒यो केरू प्रभू तार मां तारे” ईश्वर संदसि अर्ज़ अघायो, ओचितो तूफ़ान ऐं मींहु आयो,जंहिंकरे जा॒र टुटी पेई, बाहि विसामी वेई ऐं शिकारी कुतनि सूधो उथी भगो॒। अहिड़ी तरह हिरणीअ जा बंद खावंद ख़लास कया ऐं हिरणी खुशीअ में डोड़न्दी वञी ब॒चड़नि सां मिली। सो हिरणीअ वांगुर बेवसि बंदे जा बि बंद टोड़ियो त विछिड़ियल कुटम्ब सां मिली करे उम्र ताईं शुक्रगुज़ार रहन्दुसि।
“ओ तुंहिंजा थोरा थोरा लाल, लखनि खां बि घणा कहिड़ा गणे॒ कहिड़ा ग॒णिया।“
अंकरदास वरी बि॒यो दयावान खे द्ष्टांत दि॒ए थो (जस साराह गा॒इनि था) त बि॒लीअ पूंगड़ा कचे मटिके में रखिया हुआ, इहा खबर कुंभार खे कान हुई, पर तूं जा॒णणहार। हुन वञी निहाईअ खे बाहि दि॒नी। कुंभार रोज़ु रात जो उन्हीअ बि॒लीअ जे मथे ते दी॒ओ रखी, कथा कीर्तन कन्दो हो ऐं प्रह्लाद भग॒त बि वटिसि ईन्दो हो। उन रात बि॒ली मटिके खे न दि॒सण करे ओचितो दी॒ओ केराए सिधो निहाईअ दे डोड़ी ऐं म्याऊं म्याऊं करण लगी॒। कुम्भर खे भूल जी यादगीरी पेई, सो झटि निहाईंअ खोलियाईं ऐं उन मटिके में बि॒लीअ जा ब॒चा साबित पिया हुआ। इहो आहे कथा बुधण जो प्रताप। ईहा करतार जी अजीब कुदरत दि॒सी प्रह्लाद खे बि पक थी त –
“तूं ई आहीं तूं ई आहीं, मालिक मुंहिंजों तूं ई आहीं।“
इते अंकरदास बा॒हूं ब॒धी, वारिस खे वेनती करे थो त जीअं बि॒लीअ जा पूंगरा बाहि मां बचायव, तीअं हिन औखीअ महल (कलजुग॒) में मूं जिज्ञासूअ ही बी जस खटो। अगे॒ पोइ खातिरी अथमि त अव्हां खे ई बिरिध पालणो आहे।
“आहीं महरवान मालिक तुंहिंजो जसु आहे
तुंहिंजी थोरी रहमत वदो॒ वसु आहे।“
छो त काल खां बि बचाइण वारा अव्हां आहियो, सो कोहारियल पंहिंजे हिन वेले अची वाहिर करियो। जो तोखां सवाइ मुसीबत में मांधो आहियां ऐं फज़ल जो फेरो करे, बंदे वटि भेरो करियो। (हाणे बंद मंझा मूंखे कढो)
|| जय श्री झूलेलाल ||
चालीसा साहेब जी 13 पौड़ी ( तेहरवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो चोद॒हों दींहुं आहे
पौड़ी 14
जग॒ मग॒ जोत जगे॒ जल मांही, तख्त बिराजे सोने
दर दरगाह में सदा सुवाली, तो सरीखो कोनहे
केई पापी पल में तारीं, रखु ओड़ाह मां ऊनहे
नित नित नौबत तो दरि बाजे, झिरमिर जोती सूंहे
दरमत दा॒लिडि पुरुष परे करि, थेले साणु थो सुन्हे
'अंकर' मन अरदास इहाई, मिड़यन साध सलूणे दीं॒हुं
अर्थु
अंकरदास चवे थो त अमरलाल सोने सिंघासन ते वेठल आहिन ऐं जोत साहिब दरियाह शाह में जग॒ मग॒ अखण्ड पेई जगे॒। जंहिं जी दरबा॒र में सदाईं सवाली हाज़िर आहिनि ऐं जिनि जूं उम्मीदूं लाल साईं पुजा॒ईं थो। तो जहिड़ो दानी दूल्ह बि॒यो दुनिया में कोन्हे।
“आई आहियां तुहिंजे दरि, उथी कारिज मुहिंजा करि।“
तुहिंजे आस्थान ते घिन्ड घड़ियाल धमाल वज॒नि था ऐं जोतियुनि जी झिरमिर लगी॒ पेई आहे।
“जोतियूं तुहिंजू थियूं जग॒नि, मनु मुहिंजो ठरे”
हे पतित पावन! केतिरा पापी पल में तारीं थो, सो मुहिंजे बि मन जी मुराद पूरी करि ऐं हिन भवसागर (बंद) मां बा॒हिर कढु, वक्त जे हाकिम खां बचाइ ऐं दु॒ख दर्द दूर करि। ईहा आराधना आहे त बा॒हिर कढी पंहिंजी सुठीअ संगत सां मिलाइ
|| जय श्री झूलेलाल ||
चालीसा साहेब जी 14 पौड़ी ( चौहदवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥*
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो पंद्रहों दीं॒हुं आहे
पौड़ी 15
ञञे अगि॒यां जीअं ससो लिखिजे, तीअं पाणीअ बिना पृथ्वी
पाणी पूरणु पाण कयाईं, तंहिं दरि जी चाऊंठि चुमे
जिनि कई शेवा माणीनि मेवा, आहे सुहा॒गी सरतियुनि में
हिति हुति हिमायत करीं सभजी, ग़ेबाणो थी कोन घुमे
'अंकर, मन अरदास इहाई, शाल वसीं तूं दिल में
अर्थु
अंकरदास चवे थो त जीअं ञञे अगि॒यां ससो लिखजे त 'सुञ' थिए, तीअं पाणीअ खां सवाइ पृथ्वी बि सुञी आहे। पर जद॒हिं लाल साईं कर्म करे थो त सुञा बरपट सवा करे ऐं खदा॒ खदूं॒ भरे थो। अहिड़े दरियाह लाल जे दर जी चाउंठ ऐं चरण चुमिया थो। जेके बि साईं जी शेवा कनि था, तिनि खे मेवा दि॒ए थो ऐं उहे सरतियुनि मेँ सुहागि॒णयूं थी रहियूं आहिनि। तूं अहिड़ो निगहबान दयालू आहीं, जो जिते किथे सभ खे मदद करीं थो ऐं इनकरे को बि निंधणिको थी न थो घुमे। तंहिंकरे मुंहिंजी उपासना आहे त मालिक सदा मन में हुजि ऐं वञण जी करि वाई
|| जय श्री झूलेलाल ||
चालीसा साहेब जी 15 पौड़ी ( पन्द्रवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो सोरहों दीं॒हुं आहे
पौड़ी 16
टहल टिकाणनि मंझि साधनि जी, जिनि कई से सचु जा॒या
अण पुछिया अमरापुर जावनि, से मंझि सुर्ग॒ समाया
तूं शेवा करि तिनि साधनि जी, कूड़ी कमीणी काया
जिनि शेवा कई संगत विच, मन वांछित फल पाया
'अंकर' चवे तिनि अटक न काई, जिनि चरण कमल चित लाया
अर्थु
अंकरदास साध संगत जी महिमा करे थो। जिनि टिकाणनि ऐं मन्दरनि में संगत जी शेवा कई आहे (जेके साधनि सां गदु॒ हून्दा आहिनि) तिनि जो जीअणु सफल आहे। सदा अहिड़ा मनुष जा॒वा।
“माउ जणे हरिजन ज॒णे, सन्त यां सूरवीर”
ऐं अहिड़ा इन्सान अण पुछिया (सिधो) अमर वतन (सुर्ग॒) में वञनि था। इनकरे हे मिठड़ा! तूं बि सन्तनि जी शेवा में लगो॒ रहु, जो हीअ कूड़ी काया क्षणभंगुर आहे ऐं कोदी॒अ जहिड़ो मुल्हु न अथसि। जेके साधनि सन्तनि जी शेवा कनि था ' जिनि सेविया तिनि पाया मान' से मन घुरियो फलु माणनि था ऐं उन्हनि खे का बि तकलीफ अगि॒यां न थी अचे, छो त तिनि पंहिंजो चितु कमल जे फूल ते वेठल (नारायण भग॒वान) जे चरणनि में लगा॒यो आहे।
|| जय श्री झूलेलाल ||
चालीसा साहेब जी 16 पौड़ी ( सोहलवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो सतरहों दीं॒हुं आहे
पौड़ी 17
ठारे थो नंहं चोटी ताईं, पीर खिज़र जो पाणी
जाई इशनान सवेल कीजे, दे॒ मुख अमृत वाणी
करोड़नि जा थो कार्ज करीं, कान कंदे द॒स काणी
वेल पिए अची वाहिर थीन्दे, ओखीअ अमर अमीनाणी
'अंकर' मन अरदास इहाई, सदु॒ सुणी थीउ साणी
अर्थु
अंकरदास दरियाशाह (ज़िंदपीर उदे॒रेलाल ख़्वाजा खज़र) जी साराह करे थो त सिंधूअ जो जल अहिड़ो त निर्मल आहे जो हरहिक प्राणीअ जे नंहं खां वठी चोटी ताईं बदन सीतल ऐं पवित्र करे थो। तंहिंकरे असुर महिल दरियाह में टुबी॒ दि॒ए त मुख मां पाणई राम नाम जो नालो ईन्दो। पीजिए पाणी थिए मिठी बा॒णी। महिल ते वरी बि लाल साईं मदद करे थो जो मात गर्भ में बि मनुष जो ज़ामिन पियो ऐं ओखीअ सोखीअ में अहिड़ो ई संदसि नालो रहमी रतनाणी आहे, जंहिं करोड़नि जा कार्ज कया आहिन ऐं असांखे चौधारी महर कन्दो ऐं कंहिं बि द॒स (तरफ़) खां न विसारीन्दो। इनकरे मुंहिंजी अरदास इहा आहे जो सदु॒ सुणी अची साथी थिए थो।
|| जय श्री झूलेलाल ||
चालीसा साहेब जी 17 पौड़ी ( सतरवा दिन ) यह पौड़ी पढने से मनोकामना पूर्ण होती है🙏
जय झूलेलाल
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो अरड़हों दीं॒हुं आहे*
*पौड़ी 18*
*रे मन भंवरा उथी सवेलो, पलउ लगु॒ तूं पाणीअ जे*
*तिनि खे दुख भुख दा॒लडि न लगे॒, जे शेवा कनि सुबूह संझे*
*जीनि रीझायो तिनि फलु पायो, दु॒ख भगा॒ दुरऊं द॒रिके*
*कंहिं गा॒लिह जी कमी न काई, दया मया थी माहिर मंझे*
*तो बिन महर मयार न काई, 'अंकर' आहे अमर अझे*
*अर्थु*
*अंकरदास पाण खे समुझाए थो त हे मन बांवरा! तूं रुगो॒ पियो भिटिकीं। जिनि बि अमरलाल जी शेवा कई आहे ऐं कनि था ऐं सुबुह सांझी कन्दा, तिनि खे भुख, दुख, कर्ज़, मर्ज़ ऐं दु॒कर जी मुहताजी न थीन्दी। जिनि राउ रीझायो (पति परचायो) आहे, तिनि खे उहोई फलु मिलयो आहे, जो दु॒ख दो॒झरा परे भजी॒ विया.*
*“सुबूह जो उथी कजे दूल्ह जो दर्शन, पाप भजी॒ पासे थियनि ताज़ो थिए तन”*
*उन्हनि खे कंहिं बि गा॒लिह (विषय) जी घुरिज कानहे, छो जो साईंअ जी तिनि जे मन अन्दर महर मया आहे। हे पाणी परम पूज्य ! तो खां सवाइ केरु महर कन्दो ऐं तो ते का बि मयार नाहे जो मां तुंहिंजे आसिरे (हुकुम) में ब॒धो रहां थो। सो हाणे सहाइ अची थीउ।*
*“हुकुमे अन्दर सभिको, बा॒हिरि हुकुम न कोइ”*
|| *जय झूलेलाल* ||
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो अरड़हों दीं॒हुं आहे*
*पौड़ी 18*
*रे मन भंवरा उथी सवेलो, पलउ लगु॒ तूं पाणीअ जे*
*तिनि खे दुख भुख दा॒लडि न लगे॒, जे शेवा कनि सुबूह संझे*
*जीनि रीझायो तिनि फलु पायो, दु॒ख भगा॒ दुरऊं द॒रिके*
*कंहिं गा॒लिह जी कमी न काई, दया मया थी माहिर मंझे*
*तो बिन महर मयार न काई, 'अंकर' आहे अमर अझे*
*अर्थु*
*अंकरदास पाण खे समुझाए थो त हे मन बांवरा! तूं रुगो॒ पियो भिटिकीं। जिनि बि अमरलाल जी शेवा कई आहे ऐं कनि था ऐं सुबुह सांझी कन्दा, तिनि खे भुख, दुख, कर्ज़, मर्ज़ ऐं दु॒कर जी मुहताजी न थीन्दी। जिनि राउ रीझायो (पति परचायो) आहे, तिनि खे उहोई फलु मिलयो आहे, जो दु॒ख दो॒झरा परे भजी॒ विया.*
*“सुबूह जो उथी कजे दूल्ह जो दर्शन, पाप भजी॒ पासे थियनि ताज़ो थिए तन”*
*उन्हनि खे कंहिं बि गा॒लिह (विषय) जी घुरिज कानहे, छो जो साईंअ जी तिनि जे मन अन्दर महर मया आहे। हे पाणी परम पूज्य ! तो खां सवाइ केरु महर कन्दो ऐं तो ते का बि मयार नाहे जो मां तुंहिंजे आसिरे (हुकुम) में ब॒धो रहां थो। सो हाणे सहाइ अची थीउ।*
*“हुकुमे अन्दर सभिको, बा॒हिरि हुकुम न कोइ”*
|| *जय झूलेलाल* ||
*चालीसा साहेब जी 18 पौड़ी ( अठारवा दिन ) यह पौड़ी पढने से मनोकामना पूर्ण होती है*🙏
जय झूलेलाल
साईं मनीषलाल साहिब
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो उणवीहों दीं॒हुं आहे*
*पौड़ी 19*
*ढकिजि ढोल न कजि फोल, मूं में ऐब अपार घणा*
*तो बिन माफ़ु को न करे, माफ़ करे मुंह मणिया*
*बिना कृपाल कृपा तुम्हारी, कंहिंखे आऊं कींन वणां*
*तो बिन तारे को न हमको, वंगु विझी तोणे बाण हणां*
*'अंकर' मन अरदास इहाई, राख़ शरण में शरण पड़ा*
*अर्थु*
*अंकरदास अमरलाल खे अर्ज़ करे थो त हे लालण ! मूं खे ढकि ऐं उघाड़ो न करि। मूं में अवगुण अपार आहिनि (घणियूं ई कचायूं कयूं अथमि) तंहिंकरे इहे मुंहिंजूं मदायूं फ़कति तूं ई मेटे सघीं थो ऐं मिटिजी वेयूं त पोइ मुंहिंजे मुंहं में मणिया अची वेन्दी ऐं आऊं ख़लक़ में सुरखरो थीन्दुसि, जीअं त –*
*“बि॒या भी दा॒तार दे॒ह में, तो में मर्द मणिया”*
*(मथे मंझि मणियां) तुंहिंजी दया खां सवाइ मूंखे केरु बि नथो चाहे (धिकारे थो) इनकरे हे कृपालू ! तुंहिंजे कृपा जी ज़रूरत आहे।*
|| *जय श्री झूलेलाल* ||
*चालीसा साहेब जी 19 पौड़ी ( उणवीहों दिन ) यह पौड़ी पढने से मनोकामना पूर्ण होती है*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो वीहों दीं॒हुं आहे*
*पौड़ी 20*
*राणनि राणियूं धणीअ (सदा) सुहागि॒णयूं से भी पाणी शेवीनि*
*जिसको शेवीनि सिध समाधी, अण लखिआ फल दे॒वीनि*
*से नर निष्फल कबहूं न होवनि, चरण कमल नित धोवीनि*
*दुख बुख दा॒लिड़ मुश्किल मेटे, मिठा मेवा से माणीनि*
*'अंकर' जी अरदास इहाई, संग साधनि जे चिति धरीनि*
*अर्थु*
*अंकरदास चवे थो त राणयुनि (राजाउनि जूं राणियूं) दा॒तार जे दया सां सदा सुहागि॒णयूं, जिनि वटि नौकर चाकर क्मु कनि था, उहे बि लाल साईंअ जी पूजा॒ कनि थियूं ऐं अखो पाए लोटी भरे वञनि थियूं।*
*“राणियूं राज॒ वारियूं दरि तुंहिंजे निमनि”*
*अहिड़े अमरलाल जी शेवा करे, सिध पुरुष बि नाम जूं समाधियूं लगा॒इनि था। छो जो दूल्ह धर्मी अहिड़ो आहे, जो अण लिखया फल (प्रारब्ध में बि न हुजनि) तिनि खे बि दि॒ए थो, जेको बि पूजी॒नि था।*
*“सिध साध सभु तेरो जसु गावनि”*
*जेके बि मनुष पंहिंजों चित चालीहे वारे साहिब में लगा॒इनि था, उन्हनि जूं आशाऊं अमरलाल अवसि पूरियूं करे थो, उन्हनि जी शेवा कद॒हिं बि अजाई न थी थिए। न फ़कति ऐतिरो पर उन्हनि जा, दुख, भुख, कर्ज़,मर्ज़, माणहुनि जी मुहताजी ऐं मुश्किल मेटीं थो ऐं तिनि खे मिठा फल (मिठियूं वाधायूं) नसीब थियनि था। तंहिंकरे हे उदे॒रालाल ! मुंहिंजे मन जी इहाई अरदास आहे।*
*मुंहिंजी शेवा ऐं दिल जो लाड़ो हमेशा सन्तनि जे संग (सत्संग) में रहन्दो रहे।*
|| *जय श्री झूलेलाल* ||
*चालीसा साहेब जी 20 पौड़ी ( बिसवां दिन ) यह पौड़ी पढने से मनोकामना पूर्ण होती है*🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो एकवीहों दीं॒हुं आहे
पौड़ी 21
तूं दा॒तार दा॒तियूं दी॒न्दड़ु, दा॒ण दी॒न्दड़ु दा॒तार तूं
आऊं तुंहिंजो तूं मुंहिंजो, आग़ा (अमर) तो में आस अथऊं
करोड़नि जा थो कारज संवारीं, छदि॒ न अकेलो हिति हमकूं
ब॒हुगुण बा॒झ सबा॒झा साईं, मतां लाहीं मथां मूं
कलजुग॒ जे पहुचिजि सवेरो, दा॒लिड़ कटि उदर (पेटु) भर तूं
करि कृपा 'अंकर' ते पंहिंजी, दरि तुहिंजे सिर (मस्तकु) धरियो मूं
अर्थु
अंकरदास अमरलाल खे अर्ज़ करे थो त हे दे॒ह जा दा॒तार, दा॒ण दी॒न्दड़,सदाईं सुखनि जा सागर ! तुंहिंजी आसीस अपार आहे। “दा॒ति न पुछे ज़ाति” कंहिंजी बि ज़ाति न थो पुछीं (अवगुण न दि॒सी करे) सभिनी मथां तुंहिंजी दा॒ति (दया मया) आहे। आऊं तुंहिंजे दासनि जो बि दासु आहियां ऐं तव्हां मुंहिंजा गुरु आहियो। मूं अव्हांजी शरण वरिती आहे। तो आगा इष्टदेव में मुंहिंजो आसिरो (आश) आहे त “मुंहिंजूं आसूं अमर पुजा॒इ तूं” तो केतिरनि जा कम रासि कया आहिनि,तंहिं करे मूंखे अकेलो न छदि॒। मुंहिंजी पृथ्वीअ ते पति रखु ऐं माणहुनि जा महिणा सही न थो सघां। सदा सहाइ ऐं सबा॒झो आहीं, मूं मुफ़लिस मथां महर जो हथु मतां हटाईं। हिन कलयुग में ज्ल्दु अची वाहिर करि,तोखां सवाइ मुंहिंजों बि॒यो केरू कोन्हे ऐं मूंखे दु॒ख दो॒झरा (दुख ऐं बुख) सताए रहिया आहिनि ऐं मुंहिंजो खाली पेटु भरि।
मूं पंहिंजो मस्तकु तुंहिंजे दर अगि॒यां रखियो आहे, सो दास अंकर ते (मूं ते) कृपा करियो, मूंखे पंहिंजो समुझो, आऊं बि॒ए जो नाहियां।
“तूं सखी आहीं सबा॒झो, दरि अथमि तुंहिंजो झलियो।“
|| जय झूलेलाल ||
चालीसा साहेब जी पौड़ी ( इक्कीसवाँ दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो बा॒वीहों दीं॒हुं आहे
पौड़ी 22
थर थारुंअ चोद॒स चंड राति, चित लाए भर चौकी
दुख मूं पसीं देव सभु दि॒सन, थिए सदाईं सौखी
सुकी न खाई जिति किथि जावे, जुग॒ जुग॒ होवे जौकी
दरमत दा॒लिडि पुरूष परे करि, धूणीअ ताईं धौंकी
कद॒हिं न दी॒न्दें हिन कलयुग में, 'अंकर' खे तू औखी
अर्थु
अंकरदासु पंहिंजे मन खे समुझाए थो त हे मन! तूं थारुं (शुक्रवार),चोद॒स ऐं चंड रात जो अमरलाल जो सिमरन ऐं शेवा करि ऐं चौंकी करि (पंजड़ा गा॒इ)।
“चंड चोद॒स थारुंअ जो चौंकी बि था दि॒यन”
चित लाए सिथर थी, दारियाह थान में दर्शन वञी करि त दुख दर्द तोखे दि॒सण में न ईन्दा ऐं सदा सवली थी पवन्दी, मुश्कलात मेटिजी वेन्दी ऐं देवताउनि जी दया बि थीन्दी। सदाईं सुखियो ऐं सणिभो मिलन्दो। सणिको (घुरिणो) न पवन्दो ऐं अन्न जाम मिलन्दो ऐं जिते किथे बा-इज़्ज़त सा वञी सघन्दे पिण सभिनी जुग॒नि (जन्म जन्म) में सुखी रहन्दे। खराब खयाल ऐं बुख वगेरह लाल साईं सभु बा॒रे छदी॒न्दो, जीअं धूणीअ में छेणा काठियूं। अहिड़ो उदे॒रोलल, अंकर खे बि कद॒हिं हिन कलजुग॒ में अहिंज न दी॒न्दो।
“काइमु आहीं कलजुग॒ में, लाल काइमु तुंहिंजा कम”
|| जय झूलेलाल ||
चालीसा साहेब जी 22 पौड़ी ( बाइसवा दिन ) यह पौड़ी पढने से मनोकामना पूर्ण होती है🙏
॥ॐ श्री अमरलाल सहाय॥
॥ ॐ श्री वरुणाय नमः ॐ श्री लालय नमः ॥
अजु॒ पूज्य चालीहे साहिब जो टेवीहों दीं॒हुं आहे
पौड़ी 23
दे॒ह धणी दा॒तार दि॒सी जो, ब॒लवंतो ब॒ल राजा
सोने सिंघासन ऊंचे आसण, बहुत सूंहे सरताजा
घिनड घड़ियाल नाद नगारा, नित नित नौबत बाजा
तो बिन तारे कौन हमारे, रखु तूं बा॒झ सबा॒झा
बेवसि बेवारिस आहियां, महिर करीं महाराजा
'अंकर' मन अरदास इहाई, राखि हमारी लाजा
अर्थु
अंकरदासु, लाल साहिब जे दर्शन थियण बाबति चवे थो त प्राणियुनि जो पालाणहार (विश्वनाथ) अहिड़ो त सर्वशक्तिवान लाल साईं आहे,जहिड़ो पातल में ब॒ली राजा (ताकत वारो) अहिड़ो असांजो सरताजु, मथे जो मोर, सोने तख़्त ऐं मथें आसण ते ब्राजमान आहे, जो तमामु पियो सोभे। संदसि मन्दिर में घिंड घड़ियाल झांझ ताल संग धमाल ऐं बाजा हमेशा वज॒नि पिया। हे लालण! तोखां सवाइ बि॒यो केरु हिन कठोर कलजुग॒ में मूंखे तारीन्दो। “मूंखे चाढ़ीन्दो वञु ओ मुहणा बे॒ड़ीअ वारा”मुंहिंजी पइज (लज॒) रखि। हे बा॒झारा! मूं निमाणे बेवस जो वारिस हिकु तूं ही आहीं। हे राजाउनि जा राजा! तूं महर मया करि ऐं दास जी अर्ज़ी अघाइ, मुंहिंजी लज॒ रखु।
|| जय झूलेलाल ||
चालीसा साहेब जी पौड़ी ( तेइसवा दिन ) यह पौड़ी पढने से मनोकामना पूर्ण होती है🙏
******
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो चोवीहों दीं॒हुं आहे*
*पौड़ी 24*
*दर अंबर पातालें पूरन, चोद॒स चौधारी*
*मूल मोचारो मर मुरके, मथे सिर सोंहारी*
*तरी न जा॒णां तूं तारीं, तोणे तगां न तारी*
*हाल दि॒सी करि भाल भलायूं, भाग॒ भरिया भण्डारी*
*औखीअ पिए आधार दी॒न्दे, मूं सां करि मोचारी*
*‘अंकर’ मन अरदास इहाई, राख शरण में तुम्हारी*
*अर्थु*
*अंकरदास अरदास करे थो त “मुंहिंजा लाल साईं बे॒ड़ा ब॒नी लाईं” तुंहिंजों वासो आकाश पाताल ऐं चइनी तरफ़नि अन्दर बा॒हिर दर (घर) में बि आहे।*
*“तूं सर्वव्यापक आहीं, किथे चवां तूं नाहीं”*
*“असुल मोचारो आहे ऐं उहो भले पियो मुरिके”*
*संदसि सूंहं भरी हसवारी सिन्धू दरियाह जे सीर ते आहे। आऊं अणतारुं आहियां,तंहिंकरे तूं ई मूंखे हिन भवसागर मां तारि जो तुंहिंजे भरोसे ते आहियां।*
*हे भाग॒ भरिया बहिरू अखण्ड भण्डारी, तूं सदा भरपूर आहीं ऐं उन मां कृपा करे कुझु मूंखे बि दे॒ ऐं मुंहिंजों हीणो हालु दिसी, हे भग॒त वछल! मूं सां बि भाल भलायूं करि। तंहिंकरे मुंहिंजी मुश्किल में तूं ई अची जसु खटि, जो तूं ई अझो ऐं आसिरो आहीं। इहा ई मुंहिंजी वेनती आहे त शरण पए जी पइज (लज॒) रखो।*
*“अझो आहीं, अबो आहीं, माइट बि मुंहिंजो तूं”*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो पंजवीहों दीं॒हुं आहे*
*पौड़ी 25*
*निर्मल नाम सदा सुखदाई, जिनि सिमरियो तिनि संगी*
*करोड़नि जा तूं कार्ज संवारी, अहिड़ो राजा रंगी*
*रंगी राजा रखिजि लाजा, द्रौपदी न कई नंगी*
*भीड़ पड़े भग॒तनि सां वाहिर थीन्दो, तुरत मिटाई तंगी*
*‘अंकर’ चवे आग़ा खे आहे, कुदरत साणु कलंगी*
*अर्थु*
*अंकरदास चवे थो, अमरलाल जो नालो सीतल, साफ, सुखनि दि॒यण वारो ऐं सवलो आहे। जिनि बि जपियो आहे, उन्हिन सां सहाइ आहे।*
*“बेरंगीअ जो बयान, छा सुणाए छा त सुणाया”*
*जीअं गंगा जो जल उज्ज्वल निर्मल आहे ऐं अन्त समे जद॒हिं मुख में पवे थो, तद॒हिं प्राणी सुखी थिए थो। हे मिठड़ा!तूं बि अहिड़े लाल साईंअ (जलपतराइ) जो जापु जपीन्दो रहु त तो साणु बि साथी थिए। हू अहिड़ो त रहिमी राजा आहे जो केतिरनि जा कम कया अथसि (बे॒ड़ा पार करे थो)। अहिड़े रंगीअ रखिपाल रतनाणी राजा खे, मुंहिंजी अरदास आहे।*
*“ दास करे अरदास निविड़ी तो नाथ खे”*
*त हाणे मून गरीब गुनहगार जी लज॒ रखु, जीअं भरीअ सभा मंझि दासी द्रौपदी जी तो पइज रखी ऐं उन खे ढकियो।*
*“पोतीअ वारीअ जी पति रखिजां परवर पाक जिन्दा टोपीअ वारे जो शानु रखिजां, सरवर पाक सदा”*
*संदसि साड़ीअ त तो प्रवेस कई ऐं पतो न पियो त नारी आहे या साड़ी ऐं साड़ी आहे या नारी। पर द्रौपदी खे दुशासन नगनि करे सघियो। तो बि बिरध पाले मूंखे ढकियो “सम भवानी युगे युगे सहाइ” जद॒हिं बि भग॒तनि मथां भीड़ आई, तिनि सां कंहिं न कंहिं रूप में अवतार धरे,अची उन्हनि सां बां॒हं बे॒ली थिएं थो।*
*उन्हनि जी जेका बि तकलीफ हून्दी आहे सा जल्द मेटीन्दो आहीं, सो दास अंकर चवे थो त मुंहिंजों तो आगा उदे॒रोलाल में विश्वास आहे त मूंखे बि बेरोज़गारीअ, कर्ज़, गरीबीअ, मोहताजीअ ऐं दुखनि खां बचाइ ऐं अहिड़ो त सखीअ जे सिर मथां प्रकृतीअ जो ताजु रखियल आहे।*
*“हुजे काइमु हमेशा तुंहिंजी सखावत” (शमस) ज़ाहिरु तुंहिंजी, बा॒लम्बे ऐं जोत जे मम्बर मंथां झंडो (कीमती कलंगी) आहे।*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो सतावीहों दीं॒हुं आहे*
*पौड़ी 27*
*फ़ैज़ रसाईं आमीनणी, करि को फ़ज़ल इलाही*
*अड़िया छदि॒याईं ब॒धा छोड़ायाईं, कटी जम जी फाही*
*मीर मुनीश्वर ब्रह्मा ईश्वर, पैदा थिया मुंह मांही*
*उत्तर द॒खण पूरब पश्चिम, पुरूष करि पातशाही*
*निवड़त कनि तो दरि निरमोही, जिन खे सुरत अताई*
*‘अंकर’ साणु थी आमीनाणी, अंग संग होत सहाई*
*अर्थु*
*अंकरदास चवे थो त हे सुख दी॒न्दड़ इम्तहान न वठु पर मुंहिंजी इज़्ज़त बचायो। दया जा हथ मूं मथां डिघेड़ ऐं बंद ख़लास करि ऐं जमदूत जे फंदे* *खां छदा॒इ। छो जो अड़ियल फथल ब॒धल केई अव्हां आज़ाद कया आहिनि ऐं जन्म मरण जी फासी केतिरनि जी कटी अथव।*
*केतिरा मनुष हिन दुनिया जे चकर मां तो छदा॒या आहिन ऐं घणनि जूं बे॒ड़ियूं टोड़े छदि॒यूं। तूं ई हिन जग॒त जो करता आहीं, जो तुंहिंजे मुखारविन्द मां ब्रह्मा ईश्वर अमीर मुनी रखेश्वर उत्पन्न थिया। हे पतित पालीन्दड़ परमात्मा, तुंहिंजे हुकूमत जो नालो (दौं॒को) चइनी पासनि में वजी॒ रहियो आहे। जिनि खे तो शुद्ध सुमत ऐं सीरत बख़्शी ऐं उहे लातमह थी करे तुंहिंजे दर ते नियाज़ (निवरत) कनि था ऐं अंकर जेल में हुअण सबबि चवे थो त कैद खां मुंहिंजी रक्षा करि ऐं हे रतनाणी, थीउ मूं साणी, रहमु करे मूंसां विछड़यल साध संगत मिलाइ त सन्तनि जी वञी शेवा करियां, छो त सत्संग जी उकीर आहे ऐं उन सां बि जिति किथ सदा तूं ई सहाइ आहीं।*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो अठावीहों दीं॒हुं आहे*
*पौड़ी 28*
*बा॒झ करे ब॒ल राजा चढ़ियो, करोड़ें कीरत कनि*
*सदा सुहागी॒ अमर ऊंचा, दाता मंझि देवनि*
*द॒हनि द॒सियुनि में शेवा तुंहिंजी, तोखे नव ई नाथ निमनि*
*अठसठ तीर्थ आज्ञाकारी, पाणीअ मंझि पलिटनि*
*'अंकर' जी तृष्णा मिट जावे, दूलह दे॒ दर्शनि*
*अर्थु*
*अंकरदास जिनि अमरलाल जी उस्तती कनि था, दया पाले श्री वरुण (जल) अवतार ब॒लवानु जोधो घोड़े ते सवारी करे प्रघिटियो ऐं करोड़ों मनुष संदसि जन्म वठण महिल भज॒न ऐं साराह करण लगा॒।*
*“सभु कनि तुंहिंजी साराह, कुदरत वारा”*
*अहिड़ो अमरदेव लाल साईं सभिनी देवताउनि में बिरख आहे ऐं विरख आहे ऐं सदाईं ऊंचे आसण ते ब्राजमान आहे, जंहिंजी मञिता द॒हनि द॒सियुनि (उतर, ओभर, दखण, ओलह, नैत्रय, अग्नि, ईशान, आकाश,वायू ऐं पाताल) में हली रही आहे ऐं उन लाल साईं जे अगि॒यां नव ई नाथ (मछंदरनाथ, गौरखनाथ, सिधनाथ, अमरनाथ, एकनाथ, वीरनाथ,बद्रीनाथ, केदारनाथ ऐं सोमनाथ) मथो टेकीनि था। जेके बि 68 तीर्थ आस्थान आहिनि, उहे उदे॒रेलाल जी आज्ञा मूजिबि संदसि थान साहिब बि जल में ई आहे। तंहिं करे हे जलदेव स्वामी ! दया धारे मूंखे पंहिंजो दर्शन दे॒ त मुंहिंजी तृष्णा (काम, क्रोध, लोभ, मोह ऐं अहंकार) मिटाए।*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो उणटीहों दीं॒हुं आहे*
*पौड़ी 29*
*भला करीं चङां हाल करीं, अर्ज़ु करियां सो अर्ज़ु अघे*
*वाट अड़ांगी पंधु अकेलो, कृपाल तुंहिंजीअ साणु लंघे*
*बा॒झ बिना तुंहिंजे ब॒ली राजा, कुछी कंहिं सां कीन सघे*
*दर्शन कए दुख दूर थिए, दुश्मन मूं सां कीन वगे॒*
*तोड़ ताणी काण हमारी, 'अंकर' बीठो तड़ तांघे*
*अर्थु*
*अंकरदास अरदास करे थो त हे भलारा! मां तुंहिंजे अगि॒यां वेनती थो करियां, जा शल अघिजे, तूं मेहरवान कृपालू ऐं दयानन्द बा॒झारो आहीं।*
*पंहिंजा भाल भलाए ऐं मुंहिंजा दु॒ख मेटि, सभु कुछ मालूम अथव। तुंहिंजे बा॒झ सां मुंहिंजो चङो हालु थीन्दो ऐं मूं में कहिड़ी ताकत आहे जो कुछ चई सघां। हिन दुनिया जे सफर जो रस्तो तमामु दु॒खियो आहे,मूंखे माइटनि ऐं दोस्तनि अकेलो करे छदि॒यो आहे। सो अहिड़ी अड़ांगी मुसाफिरी फ़कति तुंहिंजे फ़ज़ल (दया) सां पार करे सघंदुसि। हे शक्तिवान साईं, तुंहिंजे दया बिना कंहिं सां बि गा॒ल्हए न थो सघां। इनकरे तुंहिंजे दया जे दर्शन सां सभु तकलीफूं दफ़ह थी वञनि थियूं ऐं मुंहिंजा दुश्मन बि मथे उभिरी न सघंदा ऐं तकलीफ पहुचाए न था सघनि। वार विंगो न थीन्दो, आख़िर ताईं आऊं, हे लाल साईं तुंहिंजे दर अगि॒यां वाझ पियो विझां याने तुंहिंजे अचण जी राह पियो दि॒सां त शल का तोखे बा॒झ पवे ऐं मूंखे हिन सीर समुन्द्र (दुनिया) मां पार उकारीं, छो जो तो खां सवाइ बि॒यो अहिड़ो कहिड़ो दातार धणी आहे, जो मूंनादान (ग़रीब) जो बे॒ड़ो तारे "
<><><«<«<><><
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो टीहों दीं॒हुं आहे*
*पौड़ी 30*
*महाब॒ली महराण मथांई, जिनि किनि जपियो जागी॒*
*तिनि जा दुख मिटिया सुख फिर आया, से नर सदा सुहागी॒*
*जे था कनि सुवल सवेलो तोखे, से मनिष वद॒भागी॒*
*आगा तो दरि सहसें सुवाली, रंगी रूपी रागी॒*
*'अंकर' मन अरदास इहाई, में तेरी लिंव लागी॒*
*अर्थु*
*अंकरदासु वेनती करे थो, हे सर्वशक्तिवान, महराण नंदी (सिन्धू दरियाह) मथां बिराजमान आहे। जिनि बि हिक चित थी सिमिरियो,तिनि जा दुख दफ़ह थिया ऐं सुख दि॒ठा अथेईं, उन्हनि सां सदाईं साथी आहीं। जेके तोखे अमृत वेले अर्ज़ (प्रार्थना) कनि था,उहे मनुष सदाईं सुखी ऐं तुंहिंजे दया सां वद॒भागी॒ आहिनि। हे दुख भंजन दूल्ह! तुंहिंजे दर ते सवें सुवाली (अर्ज़दार) अचनि था।*
*“दरियाह तुंहिंजे दर ते अचनि सहसें सुवाली”*
*के कलावंत, के रूपवंत (सोभ्यावान) ऐं के राम रतनाणीअ जे रंग में रतल। इनकरे आऊं अकेलो अयाणो तुंहिंजे लुड़ह लगो॒ आहियां ऐं तोसां लिंव लाई अथमि त मन कि मुंहिंजी बि अरदास अघे।*
*“नंगिड़ा निमाणी दा जीवें तीवें पालिणा”*
*॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो एकटीहों दीं॒हुं आहे*
*पौड़ी 31*
*जिनि जागी॒ ज़िंदपीर रीझायो, अमर लाल की बो॒ली जइ*
*तिनि खे तोड़ूं तंगी न दी॒न्दो, पाप पराछत थिया पिरलइ*
*जिनि सिमिरियो तिनि सुख सहिजे पायो, दा॒लिड नास दुश्मन खइ*
*आस न छदि॒ लगु॒ पलउ पुरुष जे, तुरत करे तूफान दफइ*
*कलजुग॒ पहरे पूरण पहुंचे, लज॒पति मुंहिंजी लाल रखइ*
*सुकी न खावां जिति किथि जावां कुनीअ ब॒नीअ में किस्मत पइ*
*'अंकर' मन अरदास इहाई, मन वांछित फल सफल फलइ*
*अर्थु*
*अंकरदास जिनि चवनि था, प्रभात समे जेके निंड निदोरीअ मां उथी करे, थान साहिब में झाड़ू दे॒ई (बु॒हारी पाए) सफाई कनि था।*
*“आऊं भरीन्दुसि, आऊं भरीन्दुसि, आऊं भरीन्दुसि ड़े लाल सन्दे दर जो पाणी आऊं भरीन्दुसि ड़े”*
*ऐं अमरलाल जो जाप कायो ऐं जय बो॒ली, उन्हनि खे लाल साहिब अन्त ताईं सुखी सताबो रखन्दो ऐं का बि दु॒खियाई कान दी॒न्दो, पिण तिनि जा दो॒ह ऐं कष्ट वगेरह नास थी वेन्दा, जिनि बि ज़िंदहपीर खे जपियो आहे।*
*तिनि खे जल्दु सुख ऐं समपति प्राप्त थी आहे। उन्हनि जी मिस्कीनी नाबूद थीन्दी ऐं वेरी बि नासु थी विया आहिन। हे मनिड़ा! तूँ पिण अहिड़े परमात्मा पुरुष जो पांद पकिड़ ऐं उम्मीदूं रखु। हू अहिड़ो दयालू आहे जो नज़र सां निहाल करे थो ऐं आयल आफ़तू झटि नास करे थो*
*“सिमर सिमर सुख पावह, कल कलेश तन मह मिटावह”*
*ही कलजुग॒ जो पोयों पहरु (वक्त) हाणे अन्त खे ची पहुतो आहे, सो साईं अगि॒याड़ीअ में आसीस करि,विच में वाहिरू थी ऐं पछाड़ीअ (पीरीअ) में पत रखु, मूं निमाणे जो नंगु तो ते आहे।*
*“मूं निमाणीअ नादान जी शल पवन्दी बा॒झ पिरीं”*
*सो जिते बि वञां, उते पिनी रोटी खाइणी न पवे। तंहिंकरे मुंहिंजे घर जी कुनी ऐं ब॒नीअ (धन्धे) में हमेशा बरकत पवे ऐं कृपा करे तूं सुठी किस्मत करि। भंडारा भरपूर करियो त जीअं कुटम्ब जी बि पालना करे सघां। अंकर चवे थो त मुंहिंजे मन जो इहो अर्ज़ु आहे त अन्दर जी इच्छा मुंहिंजी पूरी करि ऐं दिल घुरिया फल मूंखे बख्शणहार बखिश करि, छो त मन जूं मुरादूं तूं ई पूरण कन्दड़ु पुरुष आहीं, इहा अरदास शल सफल थिए।*
*"रोटी ऐं लंगोटी थो सभ खे पहुचाए, झूलेलाल आहे"*
*अमरलाल साईं, तुंहिंजे मिलिए मंझां साधू ऐं सन्त बि मुंहिंजे दर तां तुंहिंजे नाले ते खुशि थी खाई पी वञनि। जीअं तूं बि खाली कंहिंखे कोन थो मोटाईं, अहिड़ी तरह कबीर साहिब फरमाईंनि था:*
*"साईं इतना दीजिये, जा में कुटम्ब समाए, में भूखा न रहूं, कोई सन्त भूखा न जाए"*
*तंहिंकरे इहो ई मुंहिंजो अर्ज़ु आहे त पंहिंजे हड़ऊं तड़ऊं दे॒ई मूंखे हलन्दीइ हलाइ।तुंहिंजे गंज में आ कमी कान काई तुंहिंजों दरू सखा जो खुलियलु आ सदाई"*
[8/16/2020, 10:10] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो ब॒टीहों दीं॒हुं आहे*
*पौड़ी 32*
*रंगी राजा मेरी लाजा, पूरण तोते पेई*
*तो बिन तारे कौन हमारी, ढूंढियमि दर सभेई*
*कहिड़ो अर्ज़ु करियां तेरे आगे, साईं सबका सर मथेही*
*बा॒झ करीं कार्ज सांवरी, जिन्दा मङा जेई*
*'अंकर' मन अरदास इहाई, मेड़ी साध सनेही*
*अर्थु*
*अंकरदास पंहिंजे मन जी वेनती बु॒धाए थो –*
*हे रहिमी राजा! मुंहिंजी नंग पति सजी॒ तुंहिंजे मथां आहे। तो सवाइ मूं मासूम (सुवाली) जो केरू बे॒ड़ो तारीन्दो। आऊं सवें मन्दिर टिकाणा ऐं पीर फकीर भेटे रहियो आहियां। सो साईं तोखे अरदास बु॒धिणी आहे ऐं हाणे तो अगि॒यां अर्ज़ु करियां थो त हाणे मुंहिंजों नंगु तो ते आहे। छो जो तूं यतीमनि जो यार, अधीननि जो आधार ऐं मोहताजनि जो मददगार आहीं। हे मुंहिंजा ज़िंदपीर उदे॒रालाल हाणे दया धरि ऐं मुंहिंजा कम रासि करि, मुंहिंजी सुकल ब॒नीअ खे साओ करि, इहाई महर मङां थी त आखिर में मूंखे बादशाह जे बंद मां छदा॒ए, सन्तनि जे सन्मुख करि ऐं विछिड़ियल मित्रनि सां मिलाए*
[8/17/2020, 08:15] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो टेटीहों दीं॒हुं आहे*
*पौड़ी 33*
*लख लहिरूं करोड़ें कुन तो में, कार्ज पुजा॒ईं करोड़नि जा*
*तिनि सां ओखीअ ओदो॒ आहीं, जे शेवा कनि सुबह संझा*
*जिनि जागी॒ जु॒गां जुगु॒ जपियो तोखे, तिनि खे दीं॒ थो अझा*
*घोड़ा बे॒ड़ा माल खज़ाना, सभ खे दीं॒ थो कपड़ा झझा*
*‘अंकर’ थीउ कुर्बान अमर तां, मेटे दुख भुख दा॒लडि जा*
*अर्थु*
*अंकरदास अर्ज़ु करे थो त हे दरियाह शाह! तो में लखें लहिरूं ऐं मौजूं थियूं उथिलनि, पिण तो मंझि करोड़ें कनूं आहिनि, जिनि में केतिरा बेख़बर गर्कु थी था वञनि। कार्ज पुजा॒ईं केतिरनि जा, रज़क राज़क थो रसाईं हर कंहिंखे रहम सां, करोड़नि खे खाज॒ (रोटी) दीं॒ थो।*
*जो केतिरनि जा ई कम पूरा कया आहिनि ऐं बुद॒ल बे॒ड़ा बि पार करीं थो। जेके सुबह ऐं सांझीअ तुंहिंजी पूजा॒ कनि था यां कई आहे, तिनि खे ओखीअ में अगि॒यां अची बीहीं थो, छो जो अमरलाल तूं ओदो॒ आहीं।*
*हे दयावान ! कंहिंखे परे कोन थो छदीं॒, आदि जुगा॒द खां जिनि बि जागी॒ तोखे जपियो आहे ऐं शेवा कनि था, तिनि खे तो ओट ऐं अझो दि॒नो आहे। जिनि बे॒ड़ा माल जा भरे तुंहिंजे सीर ते तारिया आहिनि ऐं परदेस में वञी वापार कनि था, उन्हनि खे तो मोट में खज़ाना भरियल खरजेनूं,धन माल, उठ घोड़ा ऐं घणाई कपड़ा लटा बखिशया आहिन।*
*अहिड़े उदे॒रेलाल तां आऊं वार वार ब॒ल्हार वञां, जो मुंहिंजा पिण दुख दर्द लाहीन्दो ऐं मुसीबत मुशिकलात माफ़ु कन्दो।*
[8/18/2020, 09:02] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो चोटीहों दीं॒हुं आहे*
*पौड़ी 34*
*विश्व रूपी करि वाहर मुंहिंजी, सहसें थिया तो संगी*
*दे॒ह दे॒खारे अमर सहाए, भुखियनि जी भुख तो भगी॒*
*नवनि खण्डनि में नाम तुम्हारो, जल थल तेरी जोत जगी॒*
*अझो आहीं लोदा॒ लाहीं, दामन तुहिंजे लाल लगी॒*
*‘अंकर’ खे आजो करि तूं, वेरियुनि खां तूं वेरु वगी॒*
*अर्थु*
*अंकरदासु वरुणदेव खे वेनती करे थो त हे विष्णु अवतार (उदे॒रालाल), विराट रूप, वसह (विश्व) जा वाली, मूंखे मदद करि, जो केतिरनि जी तो सार लधी आहे, जद॒हिं बि उन्हनि तोखे पुकारियो आहे,सो मां बि हाणे तोखे पुकारियां थो त मूं बेवसि बंदे जा बंद ख़लास करि।*
*दे॒हु दि॒से पियो त अहिड़े आनन्द दी॒न्दड़ अमरलाल जहिड़ो बि॒यो केरु आहे! जो बुखियनि जी बुख भञीं थो।*
*तुंहिंजों नालो नवनि खण्डनि में मशहूर आहे ऐं पियो गा॒इजे, पाणीअ ऐं पृथ्वीअ ते तुंहिंजी अखण्ड जोत पेई जगे॒। हे दानी दरियाह शाह! तूं ई मुंहिंजो आधार ऐं ब॒लु आहीं ऐं आऊं तुंहिंजे दामन (पलउ) लगी॒ आहियां।*
*हिकड़ो ई मुंहिंजो तूं आहीं, सो बे॒ड़ो बा॒झ सां तारि, (सीरनि ऐं छोलियुनि खां बचाइ) मूंखे पंहिंजे हलन्दीअ हलाइ, हाणे तूं मूंखे बंदीखाने मां आज़ाद करि ऐं मुंहिंजे दुश्मन खे धक हणु, वधीक हिन वक्त क़ैद जा कहर, दुनिया जा दुख ऐं माणहुनि जा महिणा सही न थो सघां, सो दया करियो।*
*लालण तुंहिंजे लाड़े लगी॒ आहियां"*
[8/19/2020, 08:18] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो पंजटीहों दीं॒हुं आहे*
*पौड़ी 35*
*डुकूं पायां डुकां घणेरो, तो बिनि भेणी कान्हे का*
*हाल दि॒सी करि भाल भलायूं, बार खणिजि बेगाने जा*
*बा॒झ करीं ब॒ल राजा पहिंजी, दुख मिटाईं दीवाने जा*
*वाहिर थीन्दें दा॒तियूं दी॒न्दें, खोलु कुलफ़ खज़ाने जा*
*‘अंकर’ मन अरदास इहाई, बिरधु रखिजि बा॒न्हे जा*
*अर्थु*
*अंकरदास जिनि नियाज़ सां निमी करे ऐं पंहिंजे हाल खां तंग थी निमाणी वेनती कनि था त हे लाल साईं ! मां घणियूं डोड़ूं पातियूं (दर भिटिकियुसि) पर तो बिन को बि चारो कोन्हे। हाणे तुंहिंजे पिनारे अची पियो आहियां।*
*सो हे मुंहिंजा लाल ! हिन हमणे (निमाणे) हेकिले जो हालु दि॒सी भलाई करि ऐं मूं मिस्कीन जो बोझो हलिको करि।*
*हे सर्वशक्तिवान, सर्वव्यापक, अमर उदे॒रालाल साईं, ज़िंदपीर ! मूं मस्ताने जा दर्द दफ़ह करि ऐं अची मदद करि, पिण दा॒तियूं द॒द॒नि खे दा॒तर (दा॒ण) दे॒ ऐं खुशीअ जा खज़ाना दि॒यो ऐं कष्टनि जा कुल्फ कटियो ऐं दया जो दरियाह खोलि। मूं नौकर जो नंगु तो ते आहे, सो मूंखे पंहिंजे चरण जो चाकर समुझी पावन करि याने (मुंहिंजो बे॒ड़ो तारि)।*
[8/20/2020, 10:08] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो छटीहों दीं॒हुं आहे*
*पौड़ी 36*
*सहसर सुवाली सहसें आशाऊं, सवें कनि था तो दरि कीरत*
*जे था कनि सुवाल सवेलो, तिनि जा मेटीं दुख दा॒लत*
*अथमि आस अमर गुर तो में, गाफ़िल बी॒ कान्हे गत*
*अड़िया छदा॒ई ब॒धा छोड़ाई, पूरण रखन्दे मुहिंजी पत*
*‘अंकर’ खे ओखीअ ओदो॒ आहीं, जंहिं सिमिरियो सतगुरु सत*
*अर्थु*
*अंकरदासु अरदास करे थो त तुंहिंजे दर ते घणेई सुवाली आशूं ऐं उम्मीदूं राखी अचनि था ऐं शब्द भज॒न गा॒ए तोखे रीझाइनि था।*
*ऐं उहे जेके लोकऊं लिकी सुबह सवेल जो उथी तोखे अर्ज़ु कनि था,उन्हनि जा दुख ऐं मुसीबतूं मेटीं थो। आऊ भुलियल बंदो आहियां जो तोखे विसारे छदि॒यो होमि, पर हाणे तोखां सवाइ मुंहिंजी गत (छोटकारो) कोन्हे ऐं तूं ई मुंहिंजो रखपाल आहीं। हे गुरदेव अमरलाल ! मुंहिंजूं उम्मीदूं तो मंझि आहिनि ऐं अहिड़ो दातार आहीं जो नेठि आशूं पूरियूं कन्दे।*
*छो जो सवें मनुष हिन दुनिया जे चक्कर में फाथल हुआ, उन्हनि खे आज़ाद करे छदि॒यो ऐं किनि जूं बे॒ड़ियूं (हथकड़ियूं) तोड़े बंद ख़लास कया, सो पूरी पइज मुंहिंजी रखु, मूंखे बि कैदखाने मां छदा॒इ त इज़्ज़त सां रहिजी अचे। मुंहिंजी इहा वेनती आहे त मुशिकल में अची मुंहिंजे वेझो थीउ।*
*छो जो जिनि बि सत्गुर खे याद कयो आहे, तिनि जो नंगीअ नंगु रखियो आहे, छो त गुरूअ बिना गत नाहे ऐं तो शाह सेठ बिना पत नाहे। हिकु सतगुरु ई सभ सां सत आहे ऐं सत्गुर जो शब्द मनुष लाइ मत आहे। सो हाकिम जे हथ मां छदा॒ए महर जी नज़र करियो।*
[8/21/2020, 11:22] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो सतटीहों दींहुं आहे*
*पौड़ी 37*
*दूलह दे॒ दिलगीर दिलासो, दिल घणी दर मांदी*
*दुख मिटाईं धोखा लाहीं, करीं वहिमनि खां वांदी*
*तेरी आस भरोसो तेरो, तो दरि छोद॒ बि॒ए दरि न जांदी*
*करोड़ें जा तूं कार्ज संवारीं, बन्दी छदा॒ई बांदी*
*‘अंकर’ मन अरदास इहाई, मेड़ी संगत साधनि जी*
*अर्थु*
*अंकरदास जिनि आगा उदे॒रे अमरलाल खे अर्ज़ु करे थो, हे दूल्ह दरियाह साईं ! मुंहिंजीअ दिल गमगीन खे आसिरो दे॒, जो आऊं बेवसि लाचार तुंहिंजे दरि अची पियो आहियां। मुंहिंजा दुख मिटाइ ऐं मुसीबत लाहे क़ैद मां छदा॒इ ऐं उन्हनि अजायनि खयालनि ऐं तृष्णा खां मूंखे बचाइ।*
*तो में मुंहिंजी उमेद आहे ऐं तूं मुंहिंजो आधार आहीं, मूं तुंहिंजो दया वारो हथु पकिड़ियो आहे ऐं मूंखे पको विश्वास आहे त बि॒ए दरि ते न वेन्दुसि ऐं छो भिटिकां, छो जो तूं अहिड़ो दुख भंजन दातार आहीं जो केतिरनि जा कार्ज संवारिया आहिनि ऐं घणनि जा बंद खलास कया आहिनि। इहा अरदास मुंहिंजी अघाए आसीस करि, पिण साध संगत (सत्संग) भेड़ो करि (मिलाइ)।*
*"आस रखी मां तो दरि आयुसि, तूं अरदास अघाईं लाल"*
[8/22/2020, 21:38] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो अठटीहों दीं॒हुं आहे*
*पौड़ी 38*
*हाल अहिवाल हमारो हीणो, हाल दि॒सी करि भाल भला*
*करि का ब॒हुगुण बा॒झ सबा॒झा, मूं में कान्हे किरत कला*
*आऊं कमीणी कान्हे भेणी, साणी थीउ सतगुरू सवला*
*जिनि जागी॒ ज़िंदपीर ध्यायो, से संसार में सदा सफला*
*जिनि में हुई उम्मीद न काई, से सावा कयइ सतगुरू सला*
*‘अंकर’ मन अरदास इहाई, भव जो भेरो टार भला*
*अर्थु*
*अंकरदास जे मन जी अरदास अघामी, हे मन !*
*"जपण तोखे जगा॒ईं थो, ज़ीहिर ज़िंदपीर जो नालो, रखो सचो विश्वास कम पाणेही कन्दो, लाहे विधमि लाल ते, सभु शर्म कर्म धर्म"*
*छो जो संदसि ब॒नीअ वटां दरियाह शाह हटी वीओए हो, सो हाणे सुकल खेत (सला) वरी सावा थिया, "सुकल वण सावा करीं लाल वल्हा वसाईं घर, अहिड़ो लाल अमर जो लहे सार सभ जी" ऐं इन्करे शुक्रगुज़ारीअ में चवनि था, हे मुंहिंजा सज॒ण साईं ! मुंहिंजो हाल हीणो आहे ऐं अहिवाल समूरो मालूम अथव, सो मुंहिंजी हालत दि॒सी, भलारा भाल करि मूं ते,आऊं को बि काराइतो धंधो असुल कोन जा॒णां। जंहिंजे वसीले पेट पालियां ऐं तोखे बि रीझायां। इनकरे हे दयालू दूल्ह दीन नाथ ! तूं दातार आहीं, मूं ते महर करि, हे बारोचल बा॒झ वारा, तूं सदाईं सबा॒झो सतार आहीं, मुंहिंजो तो बि को बि॒यो वाहर वसीलो कोन्हे।*
*तंहिंकरे हे सत्गुरु साईं मूंखे ओखीअ में आथत दे॒ई ऐं मुसीबत में मददगार थीउ ऐं मुंहिंजे दो॒हनि खे न दि॒सु। सो सत्गुरु मूं सां साथी अची थीउ ऐं कारज सहिंजा करि, छो जो जिनि बि जागी॒ ज़िनदपीर खे जपियो आहे ऐं शेवा कनि था, तिनि जी लज॒ तो रखी आहे ऐं संसार में पंहिंजो जीवन सफल करे विया आहिन, जो सदाईं उन्हनि सां सहाइ थियो आहीं। तंहिंकरे मूं जिज्ञासूअ जो बि हिन जहान मां बे॒ड़ो तारे पार करि। हाणे मुंहिंजी वरी बि इहा वेनती आहे ऐं आउं बेहद शुक्रगुजार आहियां त जेके बि सला ब॒नीअ मुंहिंजीअ जा सुकी विया हुआ सो दरियाह शाह मोट खाधी ऐं तुंहिंजे कृपा सां बेशक सावा थिया आहिन। कहिड़ो न साक्षात सचीअ सुरहीअ सीर वारो साईं आहीं, जो जिनि में आसरो ई कोन हो, सो उन्हनि बेवसीलनि जो बाबो बणिजी सलो साओ कयुइ।*
*अंत में मुंहिंजी इहाई आराधना आहे त भग॒तनि तां भीड़ लाहि ऐं भव जो भेरो टारि ऐं पंहिंजी भाल भलाई मूं सां कन्दो रहे। “वाह वाह ड़े रंगी तुंहिंजा रंग” हे मन तूं याद करि भ॒गवान खे, छो त रंग रंगीअ जा नवां नवां आहिनि, तुंहिंजी महिमा अपार आहे। छो जो दूल्ह दातार ! सुकल सलनि खे पाणी दे॒ई साओ ऐं मूंखे ढाओ करि।*
*“केदी॒ करियां तुंहिंजी मां वदा॒ई, तो ई सुणियो मुंहिंजो सुवाल साईं”*
[8/23/2020, 10:37] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो उणेतालीहों दीं॒हुं आहे*
*पौड़ी 39*
*बरपटें बहरें शहरें, पाणीअ जा पातशाही*
*अर्श फर्श आलम में पधिरो, दूल्ह लाल सहाई*
*बाजत झांझ मृदंग चंग, दफ़ सुरन्दा सरनाई*
*नित नित नौबत तो दरि बाजे, नाद नगारा करनाई*
*घिण्ड घड़ियाल ताल धमाल, साज़नि झिरमिर लाई*
*इन्द्र इन्द्राइक नाचनि नाइक, गावनि गीत अताई*
*अणलिखया दा॒ण दीं॒ थो दा॒तर, ‘अंकर’ जी तो आस पुजा॒ई*
*अर्थु*
*अंकरदास जी आस पूरी थिए थी, छो जो “जिनि जो वेसाहु वरुण ते, तिनि जा सुकल थिया सावा” ऐं लाल साहिब जी साराह, सिक, सिदिक ऐं खुशीअ में वर्णन कनि था, हे अमर उदे॒रा साईं ! तूं रणपटनि में, समुण्डनि, धरतीअ मथां ज़ाहिर ज़हूर आहीं ऐं तुंहिंजो आलम में हुकुम हले थो, तूं बहरूशाह बेपरवाह बादशाह आहीं। तूं आकाश, कुंड, कुड़िछ, पाताल ऐं हिन मृत्यु लोक में पधिरो आहीं ऐं जिते किथे ज़िन्दा लाल तुंहिंजी सवाई (मान मरतिबो) वदो॒ आहे। तुंहिंजे थान मन्दिर में “घंघरा, घिन्ड, घड़ियाल वाज॒ट कयो वज॒नि” झांझ, मृदंग, दुहिल धमामा दफ़ ऐं सुरन्दा शरणायूं, तबला, धुकड़ ढोलिकियूं ऐं घंघरा चंग बाजा सारंगियूं ऐं घिन्ड घड़ियाल ताल धमाल शंख वाजा॒ वज॒नि था ऐं भग॒त छेरियूं ब॒धी छेज॒ हणनि था ऐं साज़नि जे आवाज़ जी झिरमिर लगी॒ पेई आहे ऐं मनुष तुंहिंजे मिठे नाम जी धुनी लगा॒इनि था। खुद इन्द्राइक, शिव संकादिक ऐं ऋषि मुनि आदिक ऐं बि॒या बि देवताऊं साधू सन्त तुंहिंजे दरबा॒र में हाज़िर थियनि था ऐं नाच करे, भज॒न कनि था ऐं पंजड़ा पल्लव आरतियूं गा॒इनि था ऐं पण्डित गोया अथाह चवनि था। तूं अहिड़ो सखी सरदार सत्गुरु सांवल आहीं, जो नसीब में न लिखियल हुजे त बि उहो मिले, फल दा॒ण दा॒तियूं दीं॒ थो। आऊं तुंहिंजो बिल्कुल शुक्रगुज़ार आहियां, जो तो मुंहिंजी सची मुराद पुजा॒ई आहे।“अमरलाल मुंहिंजूं आसू पुजा॒यूं, मिलियूं वाधायूं” मुंहिंजे मन जो रात दीं॒हं अर्ज़ु आहे ऐं कन्दो अमर जिन्दा ! त सभिनी जूं उम्मीदूं पूरियूं थीनिदीयूं*
[8/24/2020, 06:38] Deepak Ram Chandani: *॥ॐ श्री अमरलाल सहाय॥*
*॥ ॐ श्री वरुणाय नमः ॐ श्री लालय नमः ॥*
*अजु॒ पूज्य चालीहे साहिब जो चालीहों दीं॒हुं आहे*
*पौड़ी 40*
*गगन मण्डल में गोरख गाजे, करे पाणीअ जी पूजा॒*
*सिध चौरासी शेवण आवनि, बा॒वनि वीर बू॒झा*
*तो सरीखो और ना कोई, दरगाह में दूजा*
*दे॒व रिखीश्वर मीर महाजन, सर्व सलामी तुंहिंजा*
*‘अंकर’ मन अरदास इहाई, मेटीं अवगुण मुंहिंजा*
*अर्थु*
*चालीहें दीं॒हुं अंकरदास जूं मुरादूं रासि थियनि थियूं ऐं तकलीफूं नासि थियनि थियूं। सो मालिक जी मेहरबानी मञी करे, खुशीअ में ऊदे॒रेलाल जी उस्तती कनि था त हे लाल साईं अमर उदे॒रा ! अवहां जती सती गोरख जा अवतार आहियो। जेतोणीकि बा॒ल ब्रह्मचारी गोरखनाथ (सिधपुरूष गोसाईं) जो वासो आकाश में आहे, त बि उहो वरुण देवता जी पूजा॒ शेवा करे थो, ईहा अव्हांजी वदा॒ई आहे।*
*“गोरख रूप उदे॒रा एक अमरलाल जी वरुण टेक”*
*गोरखनाथ जो गुरु मछंदरनाथ ऐं गोरखनाथ ऐं जलन्दरनाथ इहे टे ई ज॒णा वरुणदेव (पाणीअ) जी पूजा॒ शेवा कन्दा रहनि था । जलन्दर माना जंहिंखे सुजान नाथ चवन्दा आहिनि। सो चवण में अचे थो त पहिरीं आदि सखर बखर भरिसां सिन्धू नदीअ में हिन जो आस्थानु हो, जिते बि अखण्ड ज्योत जग॒न्दी हुई। उन बइदि उते मथे टकर ते (जल विच में) उदे॒रो घाट ठहियो, जो अञां ताईं ज़िंदहपीर साईं जे नाले सां दरगाह काइमु आहे।*
*आला दरबा॒र जग॒त में लाल तुंहिंजी आली दरबा॒र”*
*चौरासी सिध स्वामी ऐं बा॒वंजाह जोधा जवान जेके बु॒धण में अचनि था, से बि अव्हांजो शब्द ऐं साख कनि था। हिन कलजुग॒ में हे जलपति जलनाथ ! बि॒यो केरू बि कोन्हे, नकी की अव्हां जहिड़ो दानी दरियाह दुआ वारी दरबा॒र आहे।*
*उन खां सवाइ देवताऊं,ऋषि मुनि, जोधा वगेरह सभू तुंहिंजे दर ते सुवली बणिजी, निमी नमस्कार करे दानु वठण अचनि था ।*
*“दूल्ह तुंहिंजे दर जो दरबानु आहियां”*
*हे मेहरवान, बख्शणहार, मुंहिंजी बाकी इहाई हमेशा वेनती आहे त दया करे मुंहिंजा ऐब न दि॒सो ऐँ दो॒ह बि मेटे छदि॒यो ऐं अंकर जे मन अन्दर वसो।*
*“आहियां ऐबनि भरी, मुंहिंजे दो॒हनि दे॒ न दि॒सनि”*
*“बेअन्त सतार हर दयाल, फज़ल करीं सभु कार्ज संवारीं, अलख आधार जिते सभु ज॒मार तिते नालाइक नवाज़ी”*
*“करोड़ें करीं केतिरा, जो नालाइक भी निहाल”*
*आखिर में वरी अंकरदास, उदे॒रेलाल जी साराह कनि था – हे दीन,दुनिया जा दूल्ह दातार, तूं दयावान आहीं ऐं तुंहिंजी महर मया बेअन्त आहे। सो दया करि ऐं रहियाल कम सभु पूरा कजि।*
*“कारिज मुंहिंजा संवारिजाइं सिन्धुड़ीअ जा अवतार, दुखिड़ा मुंहिंजा निवारजां कलजुग॒ मंझि करितार”*
*छो जो आऊं तुंहिंजे ई आसिरे आहियां, तूं अहिड़ो अटल अमर अविनाशी आहीं, जो जेके बि बदकार आहिनि, तिनखे बि तो तारे छदि॒यो आहे।*
.jpg)
addComments
एक टिप्पणी भेजें