योगदानु जो आह्वान :लधाराम हरीराम नागवाणी

.लधाराम हरीराम नागवाणी
भारतीय सिन्धू सभा जे सभिनी सन्मानीय राष्ट्रीय पदाधिकारियुनि ऐं देश जे कुंड कुड़िछ में रहंदड़ असंख्य कार्यकर्ताउनि खे मुंहिंजो सादर नमस्कार.
उमेद आहे त तव्हां सभु पंहिंजे पंहिंजे परिवार सां गड्डु स्वस्थ ऐं सेवा कार्यनि में लगल हूंदा.
जीअंत तव्हां सभिनी खे कोरोना नाले महामारीअ जी ख़बर आहे त कींअं न देश ऐं दुनिया जे नागिरकनि खे तक़लीफ़ में विझी छड़ियो आहे.
असां भारतवासी वा भागियशाली आहियूं, जो असांखे अहिड़ो देवतुल्य प्रधानमन्त्री मिलियो आहे,जंहिंजे करे वरी बि असांजो देश हिन महामारीअ खे रोके बीठो आहे. इन में कोबि शकु नाहे त असांजे समाज जो योगदान इन बीमारीअ खे रोकण में काफी असरदारि रहियो आहे. हिक हिन्दी फ़िल्म जे गीत जू कुझु सिटूं यादि अचनि थियू: “ साथी हाथ बढ़ाना, साथी हाथ बढ़ाना, एक अकेला थक जाएगा, मिल कर बोझ उठाना..साथी हाथ बढ़ाना.'' अचो त असां सभेई कार्यकर्ता गडिजी हिकु जुटि थी हिन महामारीअ खां निजात पाइण लाइ पंहिंजे महान राष्ट्र जे प्रधान मन्त्रीअ जा हथ मज़बूत कयूं. असां सभे ई पंहिंजनि मिटनि माइटनि, सेणनि सजणनि, दोस्त यारनि खे फ़ोन करे आग्रह करियूं त हेठि जाणायल नमूने प्रधान मन्त्री राहत कोष अकाऊंट में सिधो दानु मोकिले सिन्धी समाज जो नालो ऊंचो करियूं. असांजे आदरणीय प्रधान मन्त्रीअ खे इएं लगृणु खपे त ही सिन्धी समाज बि राष्ट्र जे हिन मुश्किल समय में सभिनी सां कंधे सां कंधो मिलाए गड़ थी बीठो आहे. जेतोणीक मूं पंहिंजनि किनि मित्रनि सां गडिजी हिक सुठी राशी में मोकिले डिनी आहे, पर पंहिंजे भारतीय सिन्धू सभा तफ़ी पिणि धन राशि मोकिलणु खपे, जंहिं में हिक साधारण सिन्धी भाउ बि रु 101/- डेई पंहिंजो असाधारण योगदानु डेई पाण खे गौरवशाली महसूसि करे सघे थो. सभिनी प्रदेश अध्यक्षनि खे वेनिती आहे त जेका बि धन राशि प्रधान मन्त्रीअ जे अकाऊंट में मोकिली थी वो, उन जी हिक सूचि केन्द्रीय कार्यालय खे ज़रूरु मोकिलीनि.
Account Name: PM CARES A/C No 2121PM20202 IFSC CODE · SBIN0000691 SWIFT CODE : SBININBB104, NAME OF BANK : STATE BANK OF INDIA, MAIN BRANCH, NEW DELHI. UPI ID : pmcares@sbi, pmindia.gov,in for other payment option.