नंढिड़ी झिरिकी

नंढिड़ी झिरिकी

ठाहे पई सुहिणो आखेरो हिक ,
नंढिड़ी झिरिकी मुंहिंजे घरि ।
कड॒हिं कुडं॒दी कड॒हिं टिपंदी ,
ईन्दी -वेन्दी झिरिकी मुंहिंजे घरि॥

       लिवं-लिवं ठरी पवन्दी ,
       जड॒हिं-जड॒हिं ईन्दी झिरिकी मुंहिंजे घरि।
       चुहिंब में फासाए नंढा-नंढा कख,
      अलाए किथां खणी ईन्दी झिरिकी मुंहिंजे घरि ॥

मुंहिंजे घर खां आलीशानु ,सुहिणो आशियानो,
 ठाहे पई झिरिकी मुंहिंजे घरि ।
 बा॒रनि जी सलामती ऐं आईंदह जा सुपिना ,
उणींदी वेन्दी झिरिकी मुंहिंजे घरि॥

      हिन नंढिड़ी हयातीअ में सकार्ता कम करण जो पैग़ामु ,
      डी॒न्दी वेन्दी झिरिकी मुंहिंजे घरि । 
      साईंअ जी बेमिसाल रचना खे काराइतो,
      कन्दी वेन्दी झिरिकी मुंहिंजे घरि ॥

      शोभना हरगुनानी " मुकेश " 
                   कानपुर