शहीद

शहीद

अचानक
आयल ख़बर
सां दिल
दर्द जे 
दरियाह मेे
बु्डी् वेई
नेणनि 
नीरु टिमायो
मुंहिंजो 
दिलबरु यारु
प्यारो पिरीं
बिना मोकिलाए
हलियो वियो
मां सही संबिरी
इंतज़ारु
कंदी रहियसि
पंहिंजे 
पावन प्यार जो
अजु्
फौज मां
फ़क़ति बि्नि डी्ंहनि जी
ख़ास मोकल
मिलण ते
विहांव जी वर्षगांठ
मनाइण लाइ
सुबुह जो
अचिणो हुओ
पर 
विरह जो चुघु
लगी् वियो
सुबुहु 
अंधारी राति
बणी पियो
दुश्मन
कल्ह शाम
असांजे देश जी
सीमा में
घुसण जी कोशिश
में हुआ
पर
असांजे वीर जुवाननि
लगभग पंजाहु
दहशतगर्द दुश्मननि खे
मौत जी
राह डे्खारी
असांजे देश जा
चार वीर जवान
शहीद थी
अमर थी विया
मुंहिंजे आंसुनि जे
टिमण में
पिरींअं जो विछोह
त आहे
पर
के दहशतगर्द
गीदी बणिजी
भजी् विया
काश
मानवता जे
दुश्मननि जो सर्वनाश
करण ताईं
ज़िंदह रहनि हां
मुंहिंजो मिठो पिरीं
सदाईं मुंहिंजे 
मन में 
हुओ,आहे ऐं रहंदो....

केटी दादलाणी