साधू वासवानी जयंती (25 नवंबर)

"चरित्र निर्माण ई राष्ट्र निर्माण आहे। " ~ *साधु वासवानी [थांवरदास लीलाराम वासवानी]*

 जन्म २५ नवम्बर १८७९ ते हैदराबाद सिंधु में थियो हो।  
हिन समे में साधु वासवानी जो जन्म ॾींहु सजी दुनिया में "मीटलेस ॾींह" जे रूप में मलिहायो पियो वञ्जे।

सदंसि पिता श्री लीलाराम देवी माता जो पक्को श्रद्धालु हो त माता वर्णाबाई जो गुरबाणी में अटूट विश्वास हो , हुअ हर रोज़ सुबह जो सवेल उथी गुरबाणी जो पाठु कन्दी हुयी।  घर जे हिन धार्मिक वातावरण जो साधु वासवानी जे ॿालपणे वारे मन ते गहरो असर थियो। 

साधु वासवानी हिकु होशियार ॿारू हो ऐं स्कूल जे शुरुआती ॾींहंन खां ई होनहार विद्यार्थी लेखियो वेन्दो हो।  मैट्रिक जे इम्तिहान में हू सजे सिंध सूबे में पहिरियों नंबर आयो हो।

घर जे धार्मिक वातावरण जे असर हेठ विधार्थी जीवन में स्कूली किताबनु सां गॾु हिन्दू धर्म ग्रंथन भगवत गीता ऐंं गुरबाणी जो गहरो अभ्यास कयो।  नतीजे तौर हुन जे स्वभाव में प्राथना में विश्वास करण जो लाडो पैदा थियो ऐं हूननि  पहिंजें गॾु पढ़हंदड बियनि विद्यार्थियिन खें बि प्रार्थना करण ऐं विश्वास रखण वास्ते हिमथायिण लगा। 

M.A. पास करणि खां पोय साधु वासवानी खे कोलकता जे मेट्रोपोलिटिन कॉलेज में प्रोफेसर जे रूप में कमु करणि जो वझु मिलियो  पर जल्द ई हू पाकिस्तान जे हिक वढे़ शहर लाहौर जे मशहूर दयाल सिंह कॉलेज में प्रिंसिपल जे पद ते कमु करणि लगा।  तैलिमी खेतर में कमु कंदे साधु वासवानी जो घणो ध्यान विद्यार्थियिन जे चरित्र निर्माण ते हूंदो हो छो जो हुनन जो रायो हो *"चरित्र निर्माण ई राष्ट्र निर्माण आहे। "* ३० सालन जी नंढी उमर में बर्लिन जी "वर्ल्ड कांग्रेस ऑफ़ रिलिजन " में ॿहिरो वठणि साधु वासवानी जी सिआणप ऐं संदसि भारत जे धार्मिक ग्रंथनि जे गहरे अभ्यास जो सबूत आहे।  हिन बर्लिन दौरे ते न फ़क़्त हर को साधु वासवानी जे ज्ञान ऐं अभ्यास जो मुरीद थी पियो पर साधु वासवानी खे पहिंजे मिशन वास्ते कुछ साथी बि मिलिया। 

साधु वासवानी जी आध्यात्मिक यात्रा में संदसि ४० सालन जी उमर में माता जो स्वर्गवास हिक क्रांतिकारी थियणी [घटना] साबित थि। उन्हन ॾींहन में साधु वासवानी किताब ऐं लेख लिखणि में मशगूल हुआ, संदसि लिखणी एतरी असरायती हुयी जो महात्मा गांधी जी अख़बार "यंग इंडिया " जे पहिरियें पेज ते साधु वासवानी जो लेख छापियो हो।

  साधु वासवानी जो अटूट विश्वास हो त राष्ट्र निर्माण में युवा शक्ती जो ॿहिरो निहायत ज़रूरी आहे तहिंकरे हुन *"शक्ती आश्रम "* बरपा कियो।  शक्ति जो हुननि लाय मतलब हो आध्यात्मिक शक्ती जो वाधारो ऐं सही उपयोग। 

साधु वासवानी जी समाज खे ॾिनिल नायब सूखडी आहे *साल १९३३ में तैलिमी खेतर में शुरू कियिल "मीरा मूवमेंट " ऐं साल १९६२ में पुणे में बरपा कियिल सेंट मीरा कॉलेज फॉर गर्ल्स।*

  साधु वासवानी जी समूरी हयाती खे संदसि हिक विचार " शक्तिवान थियो - पुरुषवान थियो।  पहिंजी शक्तिअ जो उपयोग गरीबनि ऐं दुःखायिलनि जी सेवा में कयो। "   
साधु वासवानी जी आध्यात्मिक यात्रा ते मशहूर संत मीराबाई जो वढो़ असर नज़र अचे थो छो जो कविता जे रूप में ज़ाहिर कियल संदस हर विचार, जेको हाणे "नूरी ग्रंथ" में शामिल आहे, भगवान श्रीकृष्ण खे अर्पण कियिल आहे। 

साधु वासवानी ॿालपणे में हिकु भेरो कसाई जे दुकान ते वियो हो ऐं उते मास वास्ते मारिया वेन्दड जानवरनि जूं कीकुं बुधी न सिर्फ पाण मांसाहार छड़े वेठो पर सजी उमर बियनि खे बि मांसाहार छॾियणि वास्ते हिमथाईन्दा रहिया। नतीजे तौर अजु सजी दुनिया में संदसि जन्म ॾींहु *मीटलेस ॾींह* मलिहायो वेंदो आहे ऐं हर साल हज़ारे माणुहू मांसाहार छॾियणि जो प्रण कनि था।

भारत सरकार हिन सिंधी कौम में जावल महान शिक्षाविद, आध्यात्मिक माहिर ऐं फिलॉसॉफर जी इज़्ज़त अफ़ज़ाई वास्ते *२५ नवंबर १९६९ ते संदसि फोटो वारी पोस्टल टिकट* ज़ारी कयी।

 जेतोणिक साधु वासवानी १६ जनवरी १९६६ ते हीअ फानी दुनिया छड़े विया आहिनि पर संदसि कम हर दिल अज़ीज़ दादा जशन वासवानी जी रहबरी में साधु वासवानी मिशन जे रूप में शुरू आहिनि।

संकलन ऐं प्रस्तुति
-डॉ.प्रदीप गेहानी, जोधपुर

साभार
-सिन्धु वर्ल्ड.काम ( एस पी सर )