थिए मनु हैरानु : जवाहर बोलवाणी

  

थिए मनु हैरानु 

छुड़वाॻीअ जी हद ॾिसी, थिए मनु हैरानु।

जनतंत्र आम्रियत लाइ, पुकारे थी परेशानु!

देशद्रोह करण जी आज़ादीअ लाइ धरणो!

हाणे इएं थींदो छा मुंहिंजो मुल्कु महानु?

मुंहिंजे घर में त को अङणु बि नाहे;

ॿाहरि निकिरी मिलण ते बि मनु न चाहे!

पंहिंजे अंदर मां ई मां निकिरां भला कीअं?

मुंहिंजी पाण सां बि त अण-बण आहे।

नाव-चालक काणि आ कश्ती ऐं किनारो।

तूफ़ान ऐं लहिरनि ते संदसि दारोमदारो।

जो विच सीर टुॿी हणी पहुचे पातालि

उन लइ छा मुंद, महल ऐं ॿाहरी नज़ारो!

सिंधी घर जी थी ग़ैरु, नुंहं ऐं नियाणी;

रिश्ता रहिजी वया कचे धाॻे ताणी!

क़दम खणी के, करोंभार नेठि कटिबो।

सूझि सां रोशनु कबी सुञाण पुराणी॥

जवाहर बोलवाणी