छाहे राम रसायन : प्रताप वलेचा

 

छाहे राम रसायन ?

राम रसायन ऊहो भाव आहे जंहिंमें भक्त पूरी रीत राम में समाइजी वेंदो आहे। कोॿि रसायन घणनि पदार्थनि सां गॾिजी ठहंदो आहे । हर पदार्थ पंहिंजो मूल स्वभाव त्यागे हिकु धार स्वभाव वठी वठंदो आहे ऐं तॾहिं ऊहो उपयोगी मञी करे कठो कयो वेंदो आहे न त ऊहो नाली में वही वेंदो आहे। अहिड़ी रीत भगत पंहिंजे अंदरि मां हिन चार गुणनि जे मिश्रण सां जो भाव ग्रहण कंदो आहे ऊहो राम रसायन आहे -

१. थोरो मञण/कृतज्ञता - प्रभु मूंखे तव्हां जी भक्ति जो सौभाग्य मिलियो जीवन धन्य थियो।

२. आत्मीयता जी अनुभूति- मां पंहिंजे अंदरि जी "मां" खे "राममय" करण आयो आहियां, पाण खे तव्हां में मिलायां थो ।

३. बालपणे/वात्सल्य जो अनुभव: जॾहिं मुंहिंजो पंहिंजो कुझ रहियोई न त मां पूरो तव्हां जे आसरे आहियां । माउ-पीउ जीएं मुंहिंजो लालन पालन कयो। 

४. विश्वास: पंहिंजी नाव तव्हां जे हथि करे छॾी आहे, तव्हां तारियो या ॿोड़ियो। सभु स्वीकार आहे । तव्हां खां ॿियो कोई मुंहिंजो नाहे। 

भगवान लाइ दास्य भाव यानी प्रभु तव्हां स्वामी, मां अव्हां जो दास वारो भाव अचण ई भक्ति जी वॾाई/पराकाष्ठा आहे । ईहो भाव श्रीहनुमानजी में हुयो । तुलसी बाबा चवनि था त हनुमानजी वांगुरु दास्यभाव सां भगवान जी भक्ति जे लाइ राम रसायन खपे।

राम रसायन तुम्हरे पासा। सदा रहो रघुपति के दासा।।

*जय जय सियाराम! जय श्रीहनुमान!!*