कोयल - प्रभु वफ़ा ( संकलन नंदकुमार सनमुखानी)

 

प्रभू वफ़ा जी मशहूर कविता..

-              कोयल

तुंहिंजे कंठ अंदर मिसिरी आ

कू कू कू करि कोयल प्यारी

तुंहिंजे मन जा भाव सुनहरा

पर आ तुंहिंजी काया कारी

ओ मस्तानी, ओ मतवारी

कू कू कू करि कोयल प्यारी

तुंहिंजी सुहिणी  सीरत ते 

सुहिणी सूरत क़ुर्बान कयां मां

तुंहिंजे हिक ई हूक मथां

सारी जीवन प्रदान कयां मां

प्रीत नगर जी नाज़ुक नारी

कू कू कू करि कोयल प्यारी

ऊंची ॾार मथां तूं  वेही

ऊंचा ऊंचा  सुर थी ॻाईं

रसु ऐं राॻ जी सुन्दर राणी

मधुबन में थी धूम मचाईं 

प्रेम जी मारीं थी पिचकारी

कू कू कू करि कोयल प्यारी

चांडोकीअ में कू कू तुंहिंजी

मन खे नाचु नचाए कोयल 

बरसातियुनि में मदिरा वांगुर

मन खे मस्तु बणाए कोयल

कीअं झूले थी टारी टारी

कू कू कू करि कोयल प्यारी

सुबह समे सांतीक हवा में

तुंहिंजी जॾहिं कू कू थी जागे

कुसुम उथे थो, कली उथे थी

ॾिसु कीअं पंहिंजो आलसु त्यागे

जागे थी सारी फुलवारी

कू कू कू करि कोयल प्यारी

खिनु अॻमें जिति छाई उदासी

अंधकार ऐं मृत्यु छायो

हर्ष अमरता आशा आई

जॾहिं तो कोयल कू कू ॻायो

गूंज उथी आहे  चौधारी

कू कू कू करि कोयल प्यारी

कू कू जे आवाज़ ते मन में

निश्चय  जो भंडार खुले थो

अखिड़ियुनि अंदर प्यार छुले थो

सुपननि जो संसारु खुले थो

चित में ॿरीं थी चिनगारी

कू कू कू करि कोयल प्यारी

कहिड़ा जप तप योग करे तो

एॾो आहि मधुर सुर पातो 

दुनिया सां उन तो नातो टोड़े

देव लोक सां जोड़ियो नातो

त्यागियो  तो सभु सुखु संसारी

कू कू कू करि कोयल प्यारी

दिलि ते घाउ अथी छा गहिरो 

निर्मोहीअ सां प्रीत कई तो

सत्य संयम ऐं साधन सां 

प्रलोभन ते आ जीत कई तो

अरपी आ तो जीवन सारी

कू कू कू करि कोयल प्यारी

कहिड़े कवीअ जो संगु कयो तो

गीतनि में जंहिं गूंज भरी थी

प्रेम अगनि में तो तनु ॿरियो

अंतर में छा जोति ॿरी थी

तुंहिंजी प्रीत जी रीति न्यारी

कू कू कू करि कोयल प्यारी

सोई सचे संगीत जो स्वामी

जो आपे खां आजो आहे

ॿलि री कोयल तुंहिंजे मुख में

बंसी आ या बाजो आहे

मधुर मधुर ओ साज़न वारी

कू कू कू करि कोयल प्यारी

*پرڀوُ وَفا جي مشهوُر ڪويِتا...*

                  

                   *ڪويَل* 

تُنهنجي ڪَـنـٺ اَنـدر مِصري آ

ڪوُ ڪوُ ڪوُ ڪَر ڪويَل پياري

تُنهنجي مَـن جا ڀـاوَ سُـنهـرا

پَــر آ تُـنهنجي ڪـايـا ڪـاري

او مَـسـتـانـي ، او مَــتـواري

ڪوُ ڪوُ ڪوُ ڪَر ڪويَل پياري

تُـنهنـجي سُهِـڻـي صيـرتَ تـان

سُهِڻي صوُرت قُربان ڪَيان مان

تُنهنجي هِڪ ئي هوُڪَ مَـٿان

سـاري جيوَن پردان ڪَيان مان

پريـِـت نـگـرَ جـي نـازُڪ نـاري

ڪوُ ڪوُ ڪوُ ڪَر ڪويَل پياري

اوُنچي ڏارَ مَٿان تـوُن ويـهـي

اوُنچا اوُنچـا سُـر ٿـي ڳائـيـن

رَس ۽ راڳَ جـي سُنـدر راڻـي

مَڌوُبَـن ۾ ٿـي ڌوُم مَچـائيـن

پريم جي ماري ٿي پـِچڪاري

ڪوُ ڪوُ ڪوُ ڪَر ڪويَل پياري

چانڊوڪين ۾ ڪوُ ڪوُ تُنهنجي

مَــن کــي نـاچُ نَچائـي ڪـويَـل

بــرسـاتـيُـن  ۾  مَــدِرا  وانـگُــر

مَن کـي مَـسـتُ بَـڻـائـي ڪويَـل

ڪِـئـن جھـوُلـي ٿـي ٽـاري ٽـاري

ڪوُ ڪوُ ڪوُ ڪَـر ڪـويَل پـيـاري

صُـبـحَ سَمـي سانـتـيـِڪ هَـوا ۾

تُنهنجي جَڏهِن ڪوُ ڪوُ ٿي جاڳي

ڪُسُم اُٿـي ٿـو، ڪَـلــي اُٿـي ٿــيِ

ڏِسُ ڪيئن پنـهـنـجو آلـس تـيـاڳـي

جــاڳــي ٿـــي  ســاري  ڦُــلــواري

ڪوُ ڪوُ ڪوُ ڪَــر  ڪـويَـل پـيـاري

کِــن  اَڳـ۾ جـِـت ڇـائــي  اُداسـي

اَنـــڌڪــار  ۽  مِـرتــيـوُ  ڇـايــو

هَـــرش   اَمــرتــا  آشــا   آئـــي

جَڏهِن تو ڪويَل ڪـوُ ڪـوُ  ڳايـو

گــوُنــجَ  اُٿي  آهـــي  چـؤڌاري

ڪوُ ڪوُ ڪوُ ڪَــر ڪـويَل پـيـاري

ڪـوُ ڪـوُ جـي آواز تــي مَــن ۾

نِشـچـيـہ جـو ڀَـنـڊار کُـلــي ٿــو

اَکــڙيُن اَنــدر  پــيــار ڇـلـي ٿـو

سـپـنـن جـو سَـنـسار کلــي ٿـو

چـِتَ  ۾  ٻـاريــن ٿــي چـِنگـاري

ڪوُ ڪوُ ڪوُ ڪَـر ڪـويَل پـيـاري

ڪَـهڙا جَـپَ تَـپَ يـوگَ ڪــري تـو

ايـــڏو   آھہِ  مَــڌُر  سُــر  پـاتــو

دُنـيـا سـان تــو  نـاتــو  ٽــوڙي

ديــو لــوڪ  سان جـوڙيـو نـاتـو

تـياڳيـو تـو سَـڀُ سُـکُ سـنـساري

ڪوُ ڪوُ ڪوُ  ڪَـر ڪـويَل  پـيـاري

دل تـي گھـاءُ  اَٿـي ڇــا گَــهَـرو ؟

نـِرموهيءَ سـان پـِريت ڪَئـي تـو

سَـتـيـہ سَـنـيَـمَ ۽ ســاڌَنَ سـان

پـرلوڀن تي  آ جـِيـتَ ڪَـئـي تــو

اَرپـــي  آ  تــو جــِيــوَن ســاري

ڪوُ ڪوُ ڪوُ ڪَـر ڪـويَل پـيـاري

ڪَهڙي ڪَويءَ جو سَنـگُ ڪَيو تو؟

گــيـتن ۾ جـنـهـن گـوُنجَ ڀــَري ٿي

پــريــمَ  اَگـن  ۾  تــو  تَـن ٻـاريــو

انــتــر  ۾  ڇــا جـوت ٻَــري ٿـــي

تُنهنجي پـِريـت جـي ريــت نـيـاري

ڪوُ ڪوُ ڪوُ  ڪَـر ڪـويَـل پــيـاري

سوئي سَچي سَنگيتَ جو سوامـي

جـــو  آپـــي  کــان  آجــو  آهــي

ٻــول ري ڪــويَــل تُنهنجي مُک ۾

بَــنـســي  آ  يــا  بــاجــو  آهـــي

مَــــڌُر  مَــــڌُر  او  ســـازن  واري

ڪوُ ڪوُ ڪوُ  ڪَـر ڪـويَـل پــيـاري